قازاقستان • 27 مامىر، 2022

قازاقستان-ارمەنيا ۇكىمەتارالىق كوميسسياسىنىڭ وتىرىسى وتەدى

17 رەت كورسەتىلدى

قازاقستان ەلشىسى بولات يمانباەۆ ارمەنيانىڭ اۋماقتىق دامۋ جانە ينفراقۇرىلىم ءمينيسترى گنەل سانوسيانمەن كەزدەستى، دەپ  حابارلايدى Egemen.kz.

ەلشى ارىپتەسىن پرەزيدەنت قاسىم-جومارت توقاەۆتىڭ «جاڭا قازاقستان: جاڭارۋ مەن جاڭعىرۋ جولى» جولداۋىنىڭ نەگىزگى قاعيدالارى تۋرالى، سونداي-اق 2022 جىلعى 5 ماۋسىمدا وتەتىن قر كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋم تۋرالى حاباردار ەتتى. ءوز كەزەگىندە ارميان تاراپى قازاقستانعا ۇدەمەلى دامۋ مەن ساياسي جانە الەۋمەتتىك-ەكونوميكالىق جاڭعىرۋدىڭ تابىستى جۇرگىزىلۋىن تىلەپ، وزگە باعىتتار بويىنشا قاتىناستاردى ودان ءارى كەڭەيتۋگە دايىن ەكەندىگىن ءبىلدىردى.

مينيستر بيىلعى ءساۋىر ايىندا وتكىزىلگەن وڭىرارالىق ونلاين كەلىسسوزدەردىڭ ناتيجەلىلىگىن اتاپ ءوتىپ، ەكى ەل وڭىرلەرى وكىلدەرىنىڭ ءوزارا ساپارلارىن جۇزەگە اسىرۋ جونىندەگى باستامانى قولدادى. ارميان تاراپى 2022 جىلعى 2 ماۋسىمنان باستاپ «FlyArystan» اۋەكومپانياسىنىڭ الماتى-ەرەۆان-الماتى باعىتى بويىنشا تىكەلەي تۇراقتى رەيسىن اشۋدىڭ، سونداي-اق نۇر-Cۇلتان-ەرەۆان-نۇر-Cۇلتان اۋە قاتىناسىن پىسىقتاۋدىڭ ماڭىزدىلىعىن ايتتى.

اڭگىمە بارىسىندا 2022 جىلى ەرەۆاندا وتەتىن ەكونوميكالىق ىنتىماقتاستىق جونىندەگى قازاقستان-ارمەنيا ۇكىمەتارالىق كوميسسياسىنىڭ 9-شى وتىرىسىنىڭ ماسەلەلەرى تالقىلاندى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار