فوتو: gov.kz
كەلىسسوزدەر بارىسىندا تاراپتار ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ وزەكتى ماسەلەلەرىن ەگجەي-تەگجەي تالقىلادى. اسىرەسە ونەركاسىپ سەكتورىنداعى, ونىڭ ىشىندە تاۋ-كەن مەتاللۋرگيا كەشەنى, اسا ماڭىزدى مينەرالداردى يگەرۋ جانە ينفراقۇرىلىمدى دامىتۋ باعىتتارىنداعى ءوزارا ءىس-قيمىلدى كەڭەيتۋ پەرسپەكتيۆالارىنا ەرەكشە نازار اۋدارىلدى.
ە.كوشەرباەۆ قازاقستاننىڭ ساۋد ارابياسىمەن ستراتەگيالىق سەرىكتەستىكتى دامىتۋعا باسىمدىق بەرەتىنىن اتاپ ءوتىپ, وسى جىلى قول قويىلعان قازاقستان-ساۋد ارابياسى ۇيلەستىرۋ كەڭەسىن قۇرۋ, ينۆەستيتسيالاردى ءوزارا كوتەرمەلەۋ جانە قورعاۋ تۋرالى كەلىسىمدەردىڭ ماڭىزىن اتاپ ءوتتى.
تاراپتار تاۋ-كەن ونەركاسىبى مەن اسا ماڭىزدى مينەرالدار سالاسىنداعى بىرلەسكەن جوبالاردى ىسكە اسىرۋ, سونداي-اق ساۋديالىق كومپانيالاردىڭ قازاقستانداعى ينۆەستيتسيالىق باستامالارعا قاتىسۋ مۇمكىندىكتەرىن تالقىلادى.
سونداي-اق كەزدەسۋ بارىسىندا سۋ قاۋىپسىزدىگى ماسەلەلەرى دە قوزعالىپ, حالىقارالىق سۋ ىنتىماقتاستىعىن دامىتۋ كەلەشەگى قاراستىرىلدى.
ءوز كەزەگىندە ب.ءال-حورايەف ەكىجاقتى كۇن ءتارتىبىنىڭ بارلىق باعىتى بويىنشا پراكتيكالىق ءوزارا ءىس-قيمىلدى ودان ءارى دامىتۋعا مۇددەلىلىگىن ءبىلدىردى.
كەلىسسوزدەر قورىتىندىسى بويىنشا تاراپتار قازاقستان مەن ساۋد ارابياسى اراسىنداعى ءوزارا ءتيىمدى سەرىكتەستىكتى ودان ءارى نىعايتۋعا دايىن ەكەنىن راستادى.
