ديقاندار كوكتەمگى اۋا رايى شارۋاشىلىققا قولايلى بولدى دەپ وتىر. ماسەلەن, القاپ جۇمىسىن ەلدەن بۇرىن اياقتاعان قوستاناي اۋدانىنداعى «بوريس رومانوۆسكي» سەرىكتەستىگى 10 مىڭ گەكتاردان اسا القاپقا تۇقىم سەپكەن. ونىڭ 5,5 مىڭ گەكتارىن بيداي, 5 مىڭ گەكتارىن مايلى داقىل الىپ جاتىر.
«بيىل توپىراق ىلعالى جاقسى. ونىڭ ۇستىنە پارلاپ, تۇقىمنىڭ ويداعىداي ءونىپ-ءوسىپ, جەتىلۋىنە قاجەت زاماناۋي تەحنولوگيا مۇمكىندىكتەرىن پايدالاندىق. كۇنباعىس, راپس, جاسىمىق, زىعىر ءتارىزدى مارجينالدىق داقىلدارعا تىڭايتقىش شاشتىق», دەيدى سەرىكتەستىكتىڭ باسقارما ديرەكتورى قانات ورىنباساروۆ.
اتالعان سەرىكتەستىك وتكەن جىلى جوعارعى ونىمگە قول جەتكىزىپ, گەكتارىنا 27 تسەنتنەردەن بيداي, 24–25 تسەنتنەر مايلى داقىل العان. ەليتالى بيداي تۇقىمىن وندىرەتىن وڭىردەگى 36 ءىرى شارۋاشىلىقتىڭ ءبىرى سانالاتىن «بوريس رومانوۆسكي» جشس كەيىنگى جىلدارى مالدىڭ قيىن جاڭبىر قۇرتى ارقىلى وڭدەپ, قاراشىرىككە اينالدىرىپ, قۇنارلى تابيعي تىڭايتقىش الا باستادى.
«كاليفورنيالىق قۇرتتاردى پايدالانا وتىرىپ, تولىقتاي ورگانيكالىق نەگىزدە سۇيىق تىڭايتقىش əزىرلەپ جاتىرمىز. ءتورت كۇندە 10 مىڭ ليتر الۋعا بولادى. ءبىز مۇنى ءتورت جىل بويى عىلىمي سىناقتان وتكىزىپ, بيىلدان باستاپ تولىقتاي بيزنەسكە ەنگىزە باستادىق», دەيدى جوبا اۆتورى ناۋرىزبەك بىرماعامبەتوۆ.
سەرىكتەستىك باسشىسى الدابەرگەن جۇماعۇلوۆتىڭ ايتۋىنشا, بيوگۋمۋس ارقىلى ءبىر گەكتار القاپتان الىناتىن ءونىم كولەمىن ءۇش تسەنتنەرگە دەيىن ارتتىرۋعا بولادى.
«بىلتىر گەكتارىنا 27 تسەنتنەردەن ءونىم الۋىمىزعا دا وسى تابيعي تىڭايتقىشتىڭ سەپتىگى ءتيدى. ءبىز بۇل بيوستيمۋلياتوردى تۇقىمدى دəرىلەۋ بارىسىندا, كەيىن تۇقىم ءونىپ, ءوسىپ-جەتىلە باستاعان كەزدە پايدالانامىز. ءبىز ءوز تىڭايتقىشىمىزدى رەسەيلىك, يسپاندىق ونىمدەرمەن سالىستىرۋ ءۇشىن حيميالىق زەرتحاناعا جىبەرىپ كوردىك. تالداۋ ناتيجەسى, ءوزىمىزدىڭ بيوستيمۋلياتور ولاردان ءبىر مىسقال كەم ەمەس ەكەنىن كورسەتتى. ءتىپتى كەيبىر تۇستا حيميالىق تىڭايتقىشتان اسىپ تۇسەدى. مۇنىڭ سىرتىندا شەتەلدىڭ تىڭايتقىشى قىمبات, حيميالىق جولمەن جاسالاتىن قىمبات ونىمگە اقشا شىعىنداعانشا, تابيعي جولمەن الىناتىن ءتول ءونىمىمىزدى پايدالانايىق دەپ شەشتىك», دەيدى شارۋاشىلىق باسشىسى.
ادەتتە ماۋسىمدىق قاربالاس كەزىندە شارۋالاردىڭ جەتكىزە الماي جاتقان جەرى بولسا مەملەكەت كومەككە كەلەدى. اگروونەركاسىپ كەشەنى بۇل جولى دا مەملەكەت قولداۋىنان كەندە قالىپ جاتقان جوق. ماسەلەن, جەرگىلىكتى اۋىلشارۋاشىلىق تاۋارىن وندىرۋشىلەر بيىل «كەڭ دالا 2» باعدارلاماسى اياسىندا 86,5 ملرد تەڭگە جەڭىلدەتىلگەن نەسيە العان. نەسيە مەرزىمى جارتى جىل بولسا, بورىشكەر 2,5 پايىز, ءبىر جىل بولسا 5 پايىز جىلدىق ءوسىمپۇل تولەيدى.
بيىل ءوڭىر شارۋاشىلىقتارىنا «ازىق-ت ۇلىك كورپوراتسياسى» ارقىلى ىسكە اسىرىلىپ جاتقان فورۆاردتىق ساتىپ الۋ باعدارلاماسى بويىنشا 16 ملرد تەڭگە كولەمىندە نەسيە بەرىلگەن.
قوستاناي وبلىسى
