بۇل كەلىسىمگە قىرعىزستان تاراپىنىڭ اسكەري-تەحنيكالىق كومەك كورسەتۋ تۋرالى ءوتىنىشى نەگىزىندە قول قويىلدى. ول ديپلوماتيالىق ارنالار ارقىلى اتاۋلارى مەن كولەمى كەلىسىلگەن اسكەري م ۇلىكتى ءبىر رەتتىك تۇرعىدا بەرۋدى قاراستىرادى.
اسكەري-تەحنيكالىق كومەك كورسەتۋ قىرعىزستان قارۋلى كۇشتەرىنىڭ قاۋىپ-قاتەرلەرگە تويتارىس بەرۋ جانە بۇكىل ورتالىق ازيا ايماعىنىڭ قاۋىپسىزدىگىن نىعايتۋ مۇمكىندىكتەرىن كۇشەيتەتىنى اتاپ ءوتىلدى.
«ورتالىق ازيا ايماعىنىڭ ىرگەلەس اۋداندارىنداعى كۇردەلى جاعدايدىڭ قاۋىپسىزدىك ماسەلەسىنە, سونداي-اق وڭىرلىك قاۋىپسىزدىككە تونگەن قاۋىپ-قاتەردىڭ وسۋىنە بايلانىستى اسكەري-تەحنيكالىق كومەك كورسەتۋ قىرعىزستان قارۋلى كۇشتەرىنىڭ الەۋەتىن جانە بۇكىل ورتالىق ازيا ايماعىنىڭ قاۋىپسىزدىگىن نىعايتادى», دەلىنگەن زاڭ جوباسىنىڭ قورىتىندىسىندا.
اسكەري تەحنيكانى قىرعىزستاننىڭ قوي-تاش ەلدىمەكەنىنە اۆتوكولىكپەن جەتكىزۋ شىعىنىن قازاقستان تاراپى قامتاماسىز ەتىپ, ءوز موينىنا الادى.
«قىرعىز تاراپى الىنعان اسكەري م ۇلىكتى تەك قاۋىپسىزدىك ماقساتىندا پايدالانادى, ءۇشىنشى تۇلعاعا بەرمەيدى, تمد ەلدەرىنە قارسى پايدالانبايدى», دەدى قر قورعانىس ءمينيسترىنىڭ ورىنباسارى سۇلتان كامالەتدينوۆ.
ونىڭ ايتۋىنشا, راتيفيكاتسيالاۋ بيۋدجەتتەن قوسىمشا قاراجات ءبولۋدى قاجەت ەتپەيدى.
