ايماقتار • 24 مامىر، 2022

تۇركىستان وبلىسىندا ەكى بالا شۇڭقىر سۋىنا باتىپ كەتتى

23 رەت كورسەتىلدى

قايعىلى وقيعا تۇركىستان وبلىسى بايدىبەك اۋدانى شالدار اۋىلىنان 5 شاقىرىم جەردە بولعان، دەپ حابارلايدى Egemen.kz.

كۋاگەرلەردىڭ ايتۋىنشا، وقۋشىلار ۇنەمى شۇڭقىر ماڭىندا وينايتىن. 2012 جىلى تۋعان بالا شومىلعىسى كەلىپ، سۋعا سەكىرگەن. ونىڭ باتىپ بارا جاتقانىن كورگەن ەكىنشى بالا كومەككە جۇگىرگەن. ەكەۋى دە وزدىگىنەن شىعا الماي، سۋعا باتىپ كەتكەن. بۇل جاعداي باسقا بالالاردىڭ كوز الدىندا بولعان.

«جاساندى شۇڭقىر كارەر سۋىمەن تولىققان، ەنى 20 مەتر، ۇزىندىعى 50 مەتر، تەرەڭدىگى 2 مەتر بولادى. جەرگىلىكتى تۇرعىندار 2012 جىلى تۋعان ەكى بالانىڭ دەنەسىن سۋدان الىپ شىقتى. ولار شومىلۋعا ارنالماعان جەردە سۋعا تۇسكەن. بالالار شامامەن 17.30-دا باتىپ كەتكەن. وقۋشىلاردى ىزدەۋگە توتەنشە جاعداي دەپارتامەنتىنىڭ 4 قىزمەتكەرى، 1 تەحنيكاسى، پوليتسيا دەپارتامەنتىنىڭ 20 قىزمەتكەرى جانە 6 تەحنيكاسى، جەرگىلىكتى تۇرعىندار، بالالاردىڭ تۋىستارى جۇمىلدىرىلدى»، دەدى تۇركىستان وبلىسى تجد ءباسپاسوز قىزمەتى وكىلى.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار