پرەزيدەنتتىڭ اراعا جيىرما ءۇش جىل سالىپ «قازاقستاننىڭ حالىق ءارتىسى» قۇرمەتتى اتاعىن قايتارۋ تۋرالى شەشىمى وسى جولدا ادال قىزمەت ەتىپ جۇرگەن ونەر مايتالماندارىنىڭ الدىندا جاڭا ماقساتتاردى ايقىندادى.
جاس ونەرپازدار اراسىندا جۇمات شانين, جۇسىپبەك ەلەبەكوۆ, ەرمەك سەركەباەۆ, روزا باعلانوۆا, شارا جيەنقۇلوۆا, شاكەن ايمانوۆ جانە باسقا دا ۇلتىمىزدىڭ ءبىرتۋار تۇلعالارىنا ەلىكتەمەيتىنى كەمدە-كەم. ءمۇيىزى قاراعايداي مارعاسقالارعا قاراپ بوي تۇزەپ, ءىزىن باسۋعا ۇمتىلعان جاس بۋىن ءۇشىن قۇرمەتتى اتاقتىڭ قايتارىلۋى كەرەمەت مۇمكىندىك ءارى ومىرلىك موتيۆاتسيا بولماق.
ەرى ەلىنە تىرەۋ بولىپ, ەلى ەرىنە سۇيەۋ بولىپ, ادەبيەت پەن مادەنيەتىمىزدىڭ, انا ءتىلىمىز بەن اتا ءداستۇرىمىزدىڭ عۇمىرى باياندى بولسىن.
ەرلان داكەنوۆ,
ە.راحماديەۆ اتىنداعى مەملەكەتتىك اكادەميالىق فيلارمونيا ديرەكتورى
