12 مامىردا كورەيانىڭ ورتالىق تەلەگراف اگەنتتىگى «ەلدە توتەنشە جاعداي جاريالاندى» دەگەن حابارلاما تاراتتى.
«ەپيدەمياعا قارسى مايدان 2020 جىلدىڭ اقپان ايىنان باستاپ ەكى جىل ءۇش اي بويى سەنىمدى تۇردە قورعالدى», دەلىنگەن تاسس حابارلاماسىندا.
پحەنياندا قىزۋى جوعارىلاعان ناۋقاستار توبىن تەستىلەۋ ناتيجەسىندە كوروناۆيرۋستىڭ «وميكرون» نۇسقاسى انىقتالدى. جۇقتىرعانداردىڭ ناقتى سانى كورسەتىلمەگەن.
كورەيا ەڭبەك پارتياسى وك ساياسي بيۋروسىنىڭ شاقىرىلعان وتىرىسىندا كحدر باسشىسى كيم چەن ىن: ء«بىز ولقىلىقتاردىڭ الدىن الۋ ءۇشىن بارلىعىن جاساۋىمىز كەرەك», دەپ مالىمدەدى.
ول ەلدىڭ بارلىق قالالارى مەن ايماقتارىندا لوكداۋندى ەنگىزۋدى بۇيىردى.
ايتا كەتسەك, بۇعان دەيىن كحدر بيلىگى كوروناۆيرۋس جۇقتىرۋ جاعدايلارى تۋرالى حابارلاماعان ەدى.
