«جالپى وتكەن جىلىتۋ كەزەڭى شتاتتىق رەجيمدە ءوتتى. دەگەنمەن ماۋسىم اياقتالا بەرە پەتروپاۆلداعى جىلۋ ورتالىعىندا توتەنشە جاعداي ورىن الدى. وسىعان بايلانىستى مىنا ماسەلەلەردى اتاپ وتكىم كەلەدى. ءبىرىنشى. ەنەرگەتيكا مينيسترلىگى مەن ءوڭىر اكىمدىكتەرى جىلۋ بەرۋ ماۋسىمى باستالماي تۇرىپ, ەنەرگەتيكالىق نىسانداردى تولىق تەكسەرىپ, جىلۋ ورتالىقتارىنىڭ دايىندىعى تۋرالى ۇكىمەتكە بايانداۋى ءتيىس», دەدى ۇكىمەت باسشىسى.
سونداي-اق ول وبلىس اكىمدىكتەرىنە الداعى جىلۋ بەرۋ ماۋسىمىنا دايىندىق ساپاسىن ارتتىرىپ, تەكسەرۋ بارىسىندا انىقتالعان ەسكەرتۋلەر مەن كەمشىلىكتەردى جويۋدى تاپسىردى.
ء«وڭىر اكىمدىكتەرى جاڭا قۇرىلىستاردى ىسكە قوسۋ ءۇشىن ولاردى كوممۋنالدىق جانە ينجەنەرلىك ينفراقۇرىلىممەن ۋاقىتىلى قامتاماسىز ەتۋگە نازار اۋدارسىن. وسىعان بايلانىستى اكىمدىكتەر جىل سوڭىنا دەيىن باس جوسپارلارمەن ۇيلەستىرە وتىرىپ, جىلۋ جانە ەلەكترمەن جابدىقتاۋ سحەمالارىن جاڭارتۋ قاجەت. تۇتىنۋشىلاردىڭ كوممۋنالدىق قىزمەتتەرى ءۇشىن دەبيتورلىق بەرەشەگىن ازايتۋ جانە ەنەرگيا ءوندىرۋشى ۇيىمداردىڭ وتىن جەتكىزۋشىلەر الدىنداعى بەرەشەگىن وتەۋ جونىندە شارالار قابىلداۋ قاجەت», دەدى پرەمەر-مينيستر.
