بۇل قىزمەتكە ول پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆتىڭ ورنىنا كەلدى.
جاماۋباەۆ ەرۇلان كەنجەبەك ۇلى 1974 جىلى 25 ناۋرىزدا دۇنيەگە كەلگەن. 1995 جىلى قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا, 2009 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتى جانىنداعى «ستراتەگيالىق مەنەدجمەنت» ماماندىعى بويىنشا حالىقارالىق بيزنەس مەكتەبىن بىتىرگەن.
سونداي-اق, حالىقارالىق قارجى ۇيىمدارىندا جانە باتىس ەلدەرىنىڭ ورتالىق (ۇلتتىق) بانكتەرىندە ماكروەكونوميكالىق جانە قارجىلىق ساياسات, اقشا-نەسيە ساياساتىنىڭ ستراتەگياسى جانە ونى ەۋروپالىق ورتالىق بانكتە جۇزەگە اسىرۋ ەرەكشەلىكتەرى, ماكروەكونوميكالىق مەنەدجمەنت, قارجىلىق نارىقتىق قۇرالدار, قارجىلىق تۇراقتىلىق باعىتتارى بويىنشا بىلىكتىلىكتى ارتتىرۋ كۋرستارىنان (تاجىريبەدەن) ءوتتى. ەڭبەك جولىن 1996 جىلى ستاجەر-وقىتۋشى, كەيىن قازاق مەملەكەتتىك باسقارۋ اكادەمياسىندا وقىتۋشى بولىپ باستادى.
1998 جىلدان - قازاقستان رەسپۋبليكاسى ۇلتتىق بانكىنىڭ جەتەكشى ساراپشى, باس ساراپشى, باس ساراپشى مامان, ءبولىم باستىعى, عىلىمي-زەرتتەۋ جانە ستاتيستيكا دەپارتامەنتى ديرەكتورىنىڭ ورىنباسارى, 2006 جىلدان - قازاقستان رەسپۋبليكاسى ۇلتتىق بانكىنىڭ ۇيلەستىرۋ دەپارتامەنتىنىڭ ديرەكتورى. 2014 جىلدان - «قازاقستاننىڭ تۇرعىن ءۇي قۇرىلىس جيناق بانكى» اق باسقارۋشى ديرەكتورى, 2015 جىلدىڭ شىلدەسىنەن - قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى, 11.2015 جىلدان باستاپ - الەۋمەتتىك-تۇرمىستىق سەكتور ءبولىمىنىڭ مەڭگەرۋشىسى. قازاقستان رەسپۋبليكاسى پرەزيدەنتى اكىمشىلىگىنىڭ ەكونوميكالىق مونيتورينگى, 11.2018 جىلدان باستاپ – قازاقستان رەسپۋبليكاسى پرەزيدەنتىنىڭ كومەكشىسى, 03.2019 جىلدان باستاپ – قازاقستان رەسپۋبليكاسى قارجى مينيسترلىگىنىڭ جاۋاپتى حاتشىسى, 05.2020 جىلدان – قارجى ءمينيسترى. 01.2022 جىلدان باستاپ قازاقستان رەسپۋبليكاسى, 29.03.2022 جىلدان باستاپ - قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسى قارجى ءمينيسترى قىزمەتىنە قايتا تاعايىندالعان.
ەنگىزىلگەن وزگەرىستەردى ەسكەرە وتىرىپ, «دامۋ» كاسىپكەرلىكتى دامىتۋ قورى» اق ديرەكتورلار كەڭەسىنىڭ قۇرامىنا جەتى ادام كىرەدى. ولار: ەرۇلان جاماۋباەۆ, رايىمبەك باتالوۆ, ەلەنا باحمۋتوۆا, ءادىل مۇحامەدجانوۆ, اسەم نۇرعاليەۆا, تيمۋر جاقسىلىقوۆ جانە گاۋحار بۋريباەۆا.
ايانا توعانبەك
