«ەلىمىزدى جان-جاقتى جاڭعىرتاتىن اۋقىمدى رەفورما ۇسىندىم. ءبىز بولاشاققا سەنىممەن قاراپ, قارقىندى دامۋ جولىمەن جۇرەمىز. ماقساتىمىز ايقىن, قادامىمىز نىق. ەڭ باستىسى, وتانىمىزدى وركەندەتىپ, ەل ءومىرىن وزگەرتۋگە ءبارىمىز جۇمىلا كىرىسەمىز. ورتاق ىسكە ءاربىر ازامات, بۇكىل ەل اتسالىسسا عانا ناقتى ناتيجەگە قول جەتكىزەمىز. ءبىز ديالوگ ورناتۋ مادەنيەتىن قالىپتاستىرىپ, قوعامدا ءوزارا تۇسىنىستىك پەن سەنىمدى نىعايتۋىمىز كەرەك. مۇنىڭ ءبارى ەلىمىزدىڭ بولاشاعى جارقىن, حالقىمىزدىڭ ءال-اۋقاتى جاقسى بولۋى ءۇشىن قاجەت», دەدى قاسىم-جومارت توقاەۆ.
پرەزيدەنت ەلىمىزدە ءومىر ءسۇرىپ جاتقان بارلىق ەتنوس وكىلدەرى جالپى ازاماتتىق قۇندىلىقتاردى قولداپ تۇرعانى ماڭىزدى ەكەنىن اتاپ ءوتتى. بۇل ءوز كەزەگىندە تاۋەلسىزدىك جىلدارىنداعى ءبىزدىڭ ۇلكەن جەتىستىگىمىز جانە ونى جان-جاقتى نىعايتۋعا مىندەتتىمىز.
ء«بىز بارلىق جوسپارىمىزدى مىندەتتى تۇردە جۇزەگە اسىرامىز. مەن بۇعان كامىل سەنەمىن. ءبىز ەكىنشى رەسپۋبليكانى بىرگە قۇرامىز, جاڭا قازاقستاندى بىرگە وركەندەتەمىز! ءار ازاماتقا بىردەي مۇمكىندىك بەرەتىن ءادىل ءارى دامىعان مەملەكەت بولامىز! ءسوز سوڭىندا سىزدەردى الدا كەلە جاتقان قازاقستان حالقىنىڭ بىرلىگى كۇنىمەن جانە ورازا ايت مەرەكەسىمەن قۇتتىقتايمىن», دەدى مەملەكەت باسشىسى.
وسىعان دەيىن قر پرەزيدەنتى توراعالىعىمەن قازاقستان حالقى اسسامبلەياسىنىڭ ءحححى سەسسياسى اشىلعانىن جازدىق. مەملەكەت باسشىسى اسسامبلەيا سەنات دەپۋتاتتىعىنا كانديداتتاردى ىرىكتەۋدىڭ ءتيىمدى ءارى اشىق ءراسىمىن ازىرلەۋى كەرەك ەكەنىن ايتتى.
