«كاسىپورىنداردىڭ اينالاسىندا شاعىن جانە ورتا بيزنەس بەلدەۋىن قۇرۋ ماقساتىندا قىزىلوردا وبلىسىنىڭ اكىمدىگىمەن بىرلەسە وتىرىپ, «وردا-Glass» جشس شىنى زاۋىتى بازاسىندا اۆتوموبيل شىنىلارى, شىنى تالشىقتارى, شىنىدان جاسالعان ىدىستار, ىدىس-اياق, تەرەزە شىنىلارى مەن سمارتفوندارعا ارنالعان جۇقا شىنىلار وندىرەتىن شاعىن زاۋىتتار سالا وتىرىپ, شىنىدان دايىندالاتىن بۇيىمدار ءوندىرىسىن پىسىقتاي باستادىق», دەدى ول.
ءمينيستردىڭ ايتۋىنشا, جۇمىس ىستەپ تۇرعان كاسىپورىندار مەن جاڭا جوبالارعا دا قاتىستى وسىنداي تاسىلدەر قولدانىلادى. ءىرى جۇيە قۇراۋشى كاسىپورىنداردى قولداۋ, سونداي-اق شاعىن جانە ورتا كاسىپكەرلەرگە ينفراقۇرىلىم ۇسىنۋ ەسەبىنەن بۇرىن يمپورتتالعان تاۋارلار وقشاۋلانادى.
«باعدارلاما (يمپورتتى الماستىرۋدىڭ 2025 جىلعا دەيىنگى باعدارلاماسى) جوباسىن ازىرلەۋ جۇمىستارى ناقتى كەستە بويىنشا جۇرگىزىلۋدە. الگوريتمگە سايكەس ناۋرىز ايىندا الەمدىك تاجىريبەنى تالداپ, بارلىق وڭدەۋ ونەركاسىبى بويىنشا كەشەندى ساراپتاما جۇرگىزدىك. ساۋىردە جوبالار پۋلىن جاساپ, ءىس-قيمىل الگوريتمىن ازىرلەدىك. مامىر ايىندا قۇجاتتى مۇددەلى مەملەكەتتىك ورگاندارمەن جانە ۇيىمدارمەن كەلىسۋ ءراسىمىن اياقتاۋدى جوسپارلاپ وتىرمىز. ماۋسىمدا جوبا بەكىتىلەدى. وڭىرلىك باعدارلامالار جەرگىلىكتى اتقارۋشى ورگاندارمەن قىركۇيەك ايىنا دەيىن قابىلدانادى», دەدى قايىربەك وسكەنباەۆ.
