كەڭەستە اۋىل شارۋاشىلىعى جەرلەرىن پايدالانۋدىڭ عارىشتىق مونيتورينگى جانە ولاردى تسيفرلاندىرۋ ماسەلەلەرى قارالدى. بايانداما جاساعان اۋىل شارۋاشىلىعى ءمينيسترى ەربول قاراشوكەەۆ قازىر «قازاقستان عارىش ساپارى» ۇك» اق بازاسىندا اۋىل شارۋاشىلىعى جەرلەرىنە عارىشتىق مونيتورينگ جاساۋدىڭ جەتىلدىرىلگەن نۇسقاسىن ەنگىزۋ پىسىقتالىپ جاتقانىن حابارلادى.
«جەر ينسپەكتورىنىڭ كابينەتى» جاسالدى, ول ءار جەردەن الىنعان دەرەكتەردى تالداپ, جەر ۋچاسكەسىن ۇتىمسىز پايدالانۋ بەلگىلەرىن انىقتاۋعا جانە وسىنداي فاكتىلەرگە جەدەل جاۋاپ قايتارۋعا مۇمكىندىك بەرەدى. بۇل پلاتفورما 2022 جىلدىڭ جازىندا ىسكە قوسىلادى.
مەملەكەتتىك باقىلاۋ ادىستەرىنىڭ پىسىقتالۋىن ەسكەرە وتىرىپ, بيىل مەملەكەتكە قايتارىلعان پايدالانىلمايتىن اۋىل شارۋاشىلىعى جەرلەرىنىڭ اۋدانىن وتكەن جىلمەن سالىستىرعاندا 4 ەسەگە ۇلعايتۋ جوسپارلانىپ وتىر: 2021 جىلى 1,3 ملن گا قايتارىلدى, 2022 جىلى كەمىندە 5 ملن گا قايتارۋ جوسپاردا بار. سونىمەن قاتار مينيستر اۋىل شارۋاشىلىعى جەرلەرىنىڭ بارلىعىن تسيفرلاندىرۋ اياقتالعاننان كەيىن عارىشتىق مونيتورينگتىڭ تيىمدىلىگى جاقساراتىنىن اتاپ ءوتتى.
بۇل پروتسەستى 2024 جىلى اياقتاۋ جوسپارلانىپ وتىر. پرەمەر-مينيستر ايتىلعان تاسىلدەردى قولداپ, وسى باعىتتاعى جۇمىستى جەدەلدەتۋدى تاپسىردى.
