بۇل «ەلوردانىڭ جاسىل بەلدەۋىندەگى» جانۋارلار الەمىن تۇرلەندىرۋ ءۇشىن قولعا الىنىپ وتىر. قىرعاۋىل قۇسىن جەرسىندىرۋدىڭ بيولوگيالىق نەگىزدەمەسى بار. سونىمەن قاتار نۇر-سۇلتان قالاسىنىڭ جاسىل بەلدەۋ ايماعىندا اڭشىلىق قىرعاۋىلدى جاساندى ءوسىرۋ جانە جەرسىندىرۋ ءۇشىن قىرعاۋىل تۇراعى سالىندى. مۇندا جىل سايىن 1000-نان استام بالاپان وسىرىلەدى, ال ەرەسەكتەرى بوساتىلادى.
«وسى جىلدىڭ ساۋىرىندە باسقارما «استانا ورمانى», «استانا ۆەتسەرۆيس» مەكەمەلەرىمەن جانە اقمولا وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىمەن بىرلەسىپ, 700 قىرعاۋىل ۇشىردى. ەركىن قىرعاۋىلدار نەگىزىنەن «جاسىل بەلدەۋدىڭ» مايدا اعاشتار ۋچاسكەلەرىندە نەمەسە جيدەك تۇرىندەگى تۇقىمدارى بار بۇتالى توعايلاردا ءومىر سۇرەدى. ولار نەگىزىنەن سۋدىڭ ماڭىندا, قالىڭ قامىس پەن سۋ قويمالارىنىڭ جاعاسىندا, ورمەلەيتىن جانە تىكەندى بۇتالارعا باي قالىڭ ورماندى توعايلارعا جاقىن جەرلەردە جۇرەدى. ەركىن قىرعاۋىلدار ايازعا شىدامدى», دەلىنگەن حابارلامادا.
