«بيىل «بولاشاق» باعدارلاماسى بويىنشا گرانتتاردىڭ 60%-ى ينجەنەرلىك-تەحنيكالىق ماماندىقتارعا بولىنەدى. وسىعان بايلانىستى «بولاشاق» باعدارلاماسى بويىنشا وقۋعا ارنالعان جوعارى وقۋ ورىندارىنىڭ ءتىزىمى الەمنىڭ 23 جەتەكشى تەحنيكالىق جوعارى وقۋ ورىندارىمەن تولىقتىرىلدى. ولاردىڭ قاتارىندا ەيندحوۆەن تەحنيكالىق ۋنيۆەرسيتەتى, گامبۋرگ ۋنيۆەرسيتەتى, لەستەر ۋنيۆەرسيتەتى, پحوحان عىلىم جانە تەحنولوگيالار ۋنيۆەرسيتەتى, درەزدەن تەحنيكالىق ۋنيۆەرسيتەتى جانە باسقالارى بار. جىل سايىن جوعارى وقۋ ورىندارىنىڭ گەوگرافياسىن كەڭەيتەتىنىمىزدى اتاپ وتكىم كەلەدى. تەك وتكەن جىلى ءتىزىم اۆستريانىڭ, چەحيانىڭ, يرلانديانىڭ جانە وڭتۇستىك افريكانىڭ شەتەلدىك جوعارى وقۋ ورىندارىمەن تولىقتىرىلعان ەدى», دەپ حابارلادى «حالىقارالىق باعدارلامالار ورتالىعى» اق باسقارما توراعاسى ءانۋار جانعوزين.
جوعارى وقۋ ورىندارىنىڭ تولىق تىزىمىمەن «بولاشاق» سايتىندا تانىسۋعا بولادى.
