«جالپى رەسپۋبليكا بويىنشا 42 مىڭنان استام سپورتتىق عيمارات بولسا, سونىڭ 23 مىڭنان استامى اۋىلدى جەرلەردە ورنالاسقان. وزدەرىڭىز بىلەتىندەي, سپورتتىق ينفراقۇرىلىم جەتىسپەۋشىلىگىن شەشۋ ماقساتىمەن 100 دەنە شىنىقتىرۋ, ساۋىقتىرۋ كەشەنىن سالۋ جوباسى ىسكە اسىرىلعان بولاتىن», دەدى مينيستر.
ونىڭ ايتۋىنشا, سپورتتىق نىسانداردىڭ كەيبىرى ءوز ماقساتىنا پايدالانىلماي كەلەدى.
«سالىنعان كەشەندەر شىنىمەن دە سپورت نىساندارىنىڭ جەتكىلىكتى دەڭگەيدە جاقسارتقانىن ايتقىم كەلەدى. بىراق بۇلار قۇنى قىمبات جوبالار ەكەنىن ايتۋ كەرەك. شارۋاشىلىق تۇرعىدان جابدىقتاۋعا ۇلكەن قارجى كەرەك. ولاردىڭ كەيبىرى تۇرعىندارى كوشىپ جاتقان كەلەشەگى از ەلدى مەكەندەردە سالىنىپ كەتكەن. سونىڭ سالدارىنان كەيبىر كەشەندەر تولىق قۋاتىمەن جۇمىس ىستەپ تۇرعان جوق. عيماراتتاردىڭ قۇرامىندا ماقساتىنا ساي قولدانىلمايتىن الاڭدار بار. ءبىز وسى ءتاسىلدى وزگەرتۋدى ۇسىنامىز. بۇل ماسەلەنى شەشۋدىڭ ءبىر جولى – جىلدام بوي كوتەرەتىن, شىعىنى از نىساندار سالۋ. مىسالى, سولتۇستىك قازاقستان وبلىسىنىڭ اكىمدىگى اۋىلدىق ەلدى مەكەندەردى پاتەر ينفراقۇرىلىمىمەن قامتاماسىز ەتۋ ءۇشىن وسىنداي تاجىريبەنى پايدالانا باستادى. بۇل – الدەقايدا ارزان, فۋنكتسيانالى باي, جىلدام ءتاسىل. باسقا اكىمدىكتەردەن وسى ءتاسىلدى قاراستىرىپ كورۋدى سۇرايمىز», دەدى داۋرەن اباەۆ.
