پاۆلودار قالاسى اكىمشىلىك پوليتسيا ءبولىمىنىڭ باسشىسىنا قاتىستى قىلمىستىق ءىس №2 سوتتا قارالدى. جاياۋ جۇرگىنشىنى قاعىپ كەتكەن كولىك جۇرگىزۋشىسى جازادان قۇتىلۋ ءۇشىن پوليتسيا مايورىنا 59 مىڭ تەڭگە بەرگەن.
سوتتالۋشىنىڭ كىناسى كۋاگەرلەردىڭ ايعاقتارى, قۇجاتتىق دالەلدەمەلەر جانە ساراپتاما قورىتىندىلارى بويىنشا دالەلدەندى.
سوت قىلمىستىق جاۋاپكەرشىلىك پەن جازانى جەڭىلدەتەتىن جاعدايلاردى ەسكەردى. كىنالىنىڭ ءۇش كىشكەنتاي بالاسى بار جانە بۇرىن قىلمىس جاساماعانى بەلگىلى بولدى. ول كىناسىن مويىنداعان. "جاسالعان اۋىر سىبايلاس جەمقورلىق قىلمىسىنىڭ قوعامعا قاۋىپتىلىك دارەجەسىن, قوعامنىڭ مەملەكەتكە دەگەن سەنىمىنە نۇقسان كەلتىرەتىنىن ەسكەرە وتىرىپ, سوتتالۋشىعا ءۇش جىل باس بوستاندىعىنان ايىرۋ تۇرىندە جازا تاعايىندالدى", دەدى №2 سوتتاعىلار.
سونداي-اق, پوليتسيا مايور شەنىنەن ايىرىلدى, ول ەندى ەشقاشان مەملەكەتتىك قىزمەتتە ەڭبەك ەتە المايدى.
ۇكىم زاڭدى كۇشىنە ءالى ەنگەن جوق.
