كلۋب باسشىلارى ويعا العان جوبانى جاڭاشا قۇرۋعا نيەتتەنىپ وتىر. سول ءۇشىن دە كوماندا جەتەكشىلەرى نەيماردى كوماندادان الاستاتۋعا دايىن. بىرىنشىدەن, برازيليالىق فۋتبولشىنىڭ ويىنى كلۋب قوجايىندارىنىڭ كوڭىلىنەن شىقپايدى. ەكىنشىدەن, فۋتبولشىنىڭ تۇنگى ويىن-ساۋىق كەشتەرىنەن ءجيى تابىلاتىنى دا ۇنامايدى ەكەن. ۇشىنشىدەن, كوماندا باسشىلارىنا نەيماردىڭ اكەسىنىڭ قارىم-قاتىناسى جاقپاي قالعان. وسى ءۇش فاكتور «پسج» باسشىلارىنىڭ جۇيكەسىنە شي جۇگىرتكەن. سونداي-اق, ەۋروكۋبوكتىق جارىستاردا برازيليالىق فۋتبولشىنىڭ ويداعىداي ويىن ورنەگىن كورسەتە الماعانى دا جىعىلعانعا جۇدىرىق بولىپ تۇر.
