«ەلدىڭ سولتۇستىگىندە, شىعىسىندا, ورتالىعىندا قار جاۋادى, باتىسى مەن وڭتۇستىگىندە جاڭبىر جاۋادى. رەسپۋبليكا بويىنشا كەي جەرلەردە تۇمان, جەلدىڭ كۇشەيۋى, باتىستا - كوكتايعاق, وڭتۇستىكتە - نايزاعاي كۇتىلەدى», دەلىنگەن «قازگيدرومەت» رمك حابارلاماسىندا.
جامبىل وبلىسىنىڭ تاۋلى اۋداندارىندا تۇمان, وبلىستىڭ وڭتۇستىك-باتىسىندا, سولتۇستىك-باتىسىندا – 15-23 م/س دەيىن جەل كۇشەيەدى.
تۇركىستان وبلىسىنىڭ تاۋلى اۋداندارىندا نايزاعاي ويناپ, جەل 17-22 م/س كۇشەيەدى.
الماتى وبلىسىنىڭ شىعىسىندا جەلدىڭ جىلدامدىعى 15-20, تۇندە ەكپىنى 23 م/س, تۇندە جانە تاڭەرتەڭ وڭتۇستىكتە, وبلىستىڭ ورتالىعىندا تۇمان كۇتىلەدى.
اقمولا وبلىسىنىڭ وڭتۇستىگىندە, باتىسىندا تۇمان, كۇندىز وبلىستىڭ وڭتۇستىك-شىعىسىندا ەكپىنى 15-20 م/س جەتەدى.
باتىس قازاقستان وبلىسىنىڭ سولتۇستىگىندە, وڭتۇستىك-باتىسىندا تۇمان, كوكتايعاق, كۇندىز جەل 15-20 م/س كۇشەيەدى.
اتىراۋ وبلىسىنىڭ سولتۇستىگىندە تۇمان, كوكتايعاق, وبلىستىڭ شىعىسىندا جەلدىڭ جىلدامدىعى 15-20 م/س جەتەدى.
ماڭعىستاۋ وبلىسىنىڭ وڭتۇستىگىندە, سولتۇستىگىندە جەل 15-20 م/س كۇشەيەدى, تۇندە جانە تاڭەرتەڭ باتىستا تۇمان تۇسەدى.
كۇندىز اقتوبە وبلىسىنىڭ ورتالىعى مەن وڭتۇستىك-باتىسىندا جەل 15-20 م/س كۇشەيەدى.
قوستاناي, سولتۇستىك قازاقستان وبلىستارىنىڭ وڭتۇستىگىندە, شىعىس قازاقستان وبلىسىنىڭ سولتۇستىگىندە, شىعىسىندا تۇمان كۇتىلەدى.
نۇر-سۇلتاندا كوشپەلى بۇلت شىعادى, جاۋىن-شاشىنسىز. سولتۇستىك-شىعىستان 5-10 م/س جەل سوعادى, تۇندە اۋا تەمپەراتۋراسى -13...-15°س, كۇندىز -7...-9°س.
الماتىدا كوشپەلى بۇلت شىعادى, تۇندە جانە تاڭەرتەڭ جاڭبىر جاۋادى. جەل 2-7 م/س, تۇندە اۋا تەمپەراتۋراسى +2...+4°س, كۇندىز +10...+12°س.
شىمكەنتتە كوشپەلى بۇلت شىعادى, تۇندە جاڭبىر جاۋادى, كەي كەزدە قاتتى جاڭبىر جاۋادى, كۇن كۇركىرەيدى. وڭتۇستىك-شىعىستان 8-13 م / س جەل سوعادى, كۇن كۇركىرەگەن كەزدە ەكپىنى 17-22 م/س جەتەدى, اۋا تەمپەراتۋراسى تۇندە +2...+4°س, كۇندىز +17...+19°س.
