وتىرىس بارىسىندا قازاقستاندىق جۇك تاسىمالدارى سالاسىندا تۋىنداپ وتىرعان لوگيستيكالىق ماسەلەلەر بويىنشا شەشىمدەر قابىلداندى.
اتاپ ايتقاندا, قر يندۋستريا جانە ينفراقۇرىلىمدىق دامۋ ءمينيسترى ق. وسكەنباەۆ شەتەلدىك سەرىكتەستەرمەن وتكەن كەلىسسوزدەر جانە قول جەتكىزىلگەن ۋاعدالاستىقتار تۋرالى باياندادى.
«ەلىمىزدىڭ ترانزيتتىك-لوگيستيكالىق الەۋەتىن نىعايتۋ ءۇشىن جۇك تاسىمالى, «اقتاۋ/قۇرىق – باكۋ – تبيليسي – كارس» باعىتى بويىنشا سەرىكتەستەرمەن كەلىسىمدەر پىسىقتالىپ جاتىر. سونداي-اق تاريفتىك ساياسات ماسەلەسى دە شەشىمىن تابۋدا», دەدى قر يندۋستريا جانە ينفراقۇرىلىمدىق دامۋ ءمينيسترى.
سونىمەن قاتار بيزنەس, «اتامەكەن» ۇكپ جانە مۇددەلى مەملەكەتتىك ورگاندار اراسىندا وزەكتى اقپاراتپەن جەدەل الماسۋ ماسەلەسى تالقىلاندى.
وسىلايشا, قاجەتتى مالىمەتتەر بازاسى ءبىر جۇيەگە كەلتىرىلەدى. «اتامەكەن» ۇكپ تورالقا توراعاسى ر. باتتالوۆ جەدەل شتابتىڭ كەلەسى وتىرىسىندا قاراۋ ءۇشىن بيزنەستىڭ ۇسىنىستارىن دايىنداۋ بارىسى تۋرالى ايتتى.
پرەمەر-ءمينيستردىڭ توراعالىعىمەن جەدەل شتابتىڭ كەلەسى وتىرىسى بيىلعى 7 ناۋرىزدا وتەدى.
