وتىرىس جۇمىسىنا قر پرەزيدەنتى اكىمشىلىگى باسشىسىنىڭ ورىنباسارى ايدا بالاەۆا, قازاقستانداعى ادام قۇقىقتارى جونىندەگى ۋاكىل ەلۆيرا ءازىموۆا, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى لاززات رامازانوۆا, مەملەكەتتىك ورگانداردىڭ, حالىقارالىق ۇيىمدار مەن ديپلوماتيالىق كورپۋستىڭ وكىلدەرى قاتىستى.
پرەزيدەنت اكىمشىلىگى باسشىسىنىڭ ورىنباسارى ايدا بالاەۆا اتاپ وتكەندەي «الەمدەگى قازىرگى جاعداي شيەلەنىسكەن قاراما-قايشىلىق پەن تۇراقسىزدىقپەن سيپاتتالادى. تەرىس سالدارى بۇكىل ايماقتارعا قاۋىپ توندىرەدى, تۇراقسىزدىقتى جانە جاھاندىق قاۋىپتى تۋدىرادى. بۇل تۇرعىدا بۇۇ قاۋىپسىزدىك كەڭەسىنىڭ «ايەلدەر, بەيبىتشىلىك جانە قاۋىپسىزدىك» كۇن ءتارتىبى اسا ماڭىزدى.
بۇۇ قاۋىپسىزدىك كەڭەسىنىڭ توعىز قارارىن ىسكە اسىرۋ ماقساتىندا قازاقستان ۇكىمەتى وتكەن جىلدىڭ جەلتوقسان ايىندا 2025 جىلعا دەيىنگى ءىس-شارالار جوسپارىن بەكىتتى. جوسپار جانجالداردىڭ الدىن الۋ مەن رەتتەۋگە, بەيبىتشىلىك پەن قاۋىپسىزدىكتى قامتاماسىز ەتۋگە, ايەلدەرگە قارسى زورلىق-زومبىلىقتىڭ الدىن الۋعا, حاباردار بولۋدى ارتتىرۋعا, جانجالداردىڭ الدىن الۋ جانە ايەلدەردى قورعاۋ ماسەلەلەرىندە ازاماتتىق قوعاممەن ءوزارا ءىس-قيمىلدى كۇشەيتۋگە ايەلدەردىڭ تەڭ قۇقىلى قاتىسۋىن قامتاماسىز ەتۋ بويىنشا ناقتى شارالاردى جۇرگىزۋدى قامتيدى.
«قازاقستان ايەلدەردى قىزمەتتىڭ بارلىق سالالارىندا ىلگەرىلەتۋ ءۇشىن ءتيىمدى ينستيتۋتسيونالدىق شارالار قابىلداۋ دەڭگەيىندە بەلگىلى ءبىر جەتىستىكتەرگە قول جەتكىزدى. ەلىمىزدە 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى ىسكە اسىرىلىپ, جەتىلدىرىلۋدە. ايەلدەردىڭ تەڭدىگى مەن قۇقىقتارى مەن مۇمكىندىكتەرىن كەڭەيتۋ سالاسىندا ورتالىق ازيا ءبىلىم ورتالىعىن قۇرۋ بويىنشا جۇمىس جۇرگىزىلۋدە. ايەلدەر ەڭبەگىن پايدالانۋدى شەكتەيتىن ءتىزىمدى تولىق جويۋ تۋرالى پروگرەسسيۆتى شەشىم قابىلداندى», دەپ اتاپ ءوتتى ايدا بالاەۆا.
ءوز كەزەگىندە ەلۆيرا ءازىموۆا جوسپاردىڭ نەگىزگى ءىس-شارالارىنا توقتالىپ, ايەلدەردىڭ الدىن الۋ ديپلوماتياسى مەن قالپىنا كەلتىرۋ پروتسەستەرىنىڭ بەلسەندى قاتىسۋشىلارى بولۋى ءۇشىن ولاردىڭ الەۋەتىن نىعايتۋدىڭ زاڭنامالىق جانە پراكتيكالىق قۇرالدارىن ازىرلەۋ قاجەتتىگى تۋرالى مالىمدەدى.
«قاۋىپسىزدىك ماسەلەلەرىن قارۋمەن ەمەس, بىتىمگەرشىلىك تەتىكتەرى ارقىلى شەشۋگە بولادى جانە قاجەت. سوڭعى وقيعالار ايەلدەردى پرەۆەنتيۆتى ديپلوماتيا مەن دەلدالدىق داعدىلارىنا وقىتۋ پروتسەسىن كۇشەيتۋ, مەملەكەتتىك ورگاندار وكىلدەرى مەن ازاماتتىق قوعام وكىلدەرى قاتارىنان كەلىسسوز جۇرگىزۋشىلەر پۋلىن قالىپتاستىرۋ قاجەتتىگىن دالەلدەيدى. باستى ماقسات – قاقتىعىستاردى رەتتەۋدىڭ بەيبىت قۇرالدارىن ءتيىمدى پايدالانۋعا ۇيرەتۋ جانە ولاردى زاڭ دەڭگەيىندە قولدانۋدىڭ ناقتى ستسەناريىن بەكىتۋ», دەپ اتاپ ءوتتى ەلۆيرا ءازىموۆا.
ول سونداي-اق قازاقستاندا توتەنشە جاعداي كەزىندە ايەلدەرگە كومەك كورسەتۋ ءۇشىن مەملەكەتتىك ورگاندار, الەۋمەتتىك قىزمەتتەر مەن ۇەۇ ءوزارا ءىس-قيمىلىنىڭ ناقتى تەتىگىن ەنگىزۋ قاجەت ەكەنىن ايتتى.
دوڭگەلەك ۇستەلگە قاتىسۋشىلار ۇلتتىق جوسپاردى قابىلداۋ ايەلدەردىڭ قاۋىپسىزدىك پەن قۇقىقتىق ءتارتىپتىڭ كۇن تارتىبىنە قاتىسۋى ءۇشىن جاعداي جاساۋ ارقىلى قويىلعان مىندەتتەرگە ءتيىمدى قول جەتكىزۋگە بولاتىندىعىن تۇسىنەتىندىگىن كورسەتتى.
