حالىقتىڭ تابىسىن 2025 جىلعا دەيىن ارتتىرۋ جونىندەگى شارالار كەشەنى ءتورت باعىتتى قامتيدى:
- حالىقتىڭ ەڭبەك تابىسىن ارتتىرۋ;
- اۋقىمدى جۇمىسپەن قامتۋدى دامىتۋ جولىمەن حالىقتىڭ تابىسىن ارتتىرۋ;
- كىرىستەردىڭ ساتىپ الۋ قابىلەتىن قورعاۋ;
- كاسىپتىك باعدار بەرۋ جانە اقپاراتتىق-ءتۇسىندىرۋ جۇمىستارىن جۇرگىزۋ.
ءبىرىنشى باعىت بويىنشا جالدامالى جۇمىسكەرلەردىڭ ەڭبەك كىرىستەرىنىڭ ءوسۋىن, ەڭبەك ونىمدىلىگىن ارتتىرۋ جانە وندىرىستىك داعدىلاردى دامىتۋ جونىندەگى شارالار ىسكە اسىرىلاتىن بولادى.
ەكىنشى باعىت بويىنشا اوك, وڭدەۋ ونەركاسىبىن, شاعىن جانە ورتا بيزنەستى دامىتۋدى ىنتالاندىرۋ جولىمەن, ونىڭ ىشىندە حالىقتىڭ داعدىلارى مەن بىلىكتىلىگىن ارتتىرۋدى جانە جاستاردى قولداۋعا باسا نازار اۋدارۋدى ەسكەرە وتىرىپ, جاڭا جۇمىس ورىندارى قۇرىلادى.
ءۇشىنشى باعىت بويىنشا باعانى تۇراقتاندىرۋ جانە تومەندەتۋ, ىشكى نارىقتى مولىقتىرۋ جانە حالىقتىڭ شىعىندارىن قىسقارتۋ بويىنشا شارالار ىسكە اسىرىلماق.
ءتورتىنشى باعىت بويىنشا كاسىپتىك باعدار بەرۋ جۇمىسىن جۇرگىزۋ جانە ازاماتتاردىڭ الەۋمەتتىك جاۋاپكەرشىلىگىن ارتتىرۋ جونىندەگى جۇمىس كۇشەيتىلەتىن بولادى.
ۇەم اتاپ وتكەندەي, حالىق تابىسىنىڭ اعىمداعى جاعدايى تەرىس ۇردىسكە يە. وسىلايشا, نومينالدى كىرىستەردىڭ تۇراقتى وڭ ديناميكاسىنا قاراماستان, 2010 جىلعى 39,2 مىڭ تەڭگەدەن 2021 جىلى 128,4 مىڭ تەڭگەگە دەيىن (قاڭتار-قاراشا), حالىقتىڭ ناقتى كىرىستەرىنىڭ ءوسۋ قارقىنى تومەندەۋدە (2019 جىلى 6,4%, 2020 جىلى 4,3%, 2021 جىلدىڭ 11 ايىندا 3,1%).
بۇل ەكونوميكالىق ءوسۋدىڭ باياۋلاۋىمەن (2020 جىلى -2,5%, 2021 جىلدىڭ 9 ايىندا 3,6%) جانە 2022 جىلى ساقتالاتىن جوعارى ينفلياتسيالىق قىسىممەن (2020 جىلى 7,5%, 2021 جىلى 8,4%) بايلانىستى.
وڭىرلەر اراسىندا ءجوو بويىنشا الشاقتىق ساقتالىپ وتىر. مىسالى, ەگەر ءجوو دەڭگەيى بويىنشا 2010 جىلى الماتى قالاسى سولتۇستىك قازاقستان وبلىسىنان 8,7 ەسە كوپ بولسا, 2020 جىلى الشاقتىق 10 ەسە مولشەردە بولدى.
جان باسىنا شاققانداعى ءجوو بويىنشا وڭىرلىك تەڭسىزدىكتەگى الشاقتىق ودان دا ماڭىزدى. ماسەلەن, اتىراۋ وبلىسىندا بۇل كورسەتكىش 2020 جىلى تۇركىستان وبلىسى بويىنشا كورسەتكىشتەن 17 ەسە كوپ بولدى.
بۇدان باسقا, تابىسى ەڭ تومەنگى كۇنكورىس دەڭگەيىنەن تومەن حالىق ۇلەسىنىڭ ءوسۋى بايقالادى (2017 جىلعى 2,6% - دان 2020 جىلى 5,3% - عا دەيىن).
قۇجات 18 ناۋرىزعا دەيىن جاريا تالقىلاۋ ءۇشىن اشىق نقا سايتىندا ورنالاستىرىلعان.
