«وزدەرىڭىزگە بەلگىلى, «Nur Otan»-نىڭ كەزەكتەن تىس وتكەن سەزىندە پارتيا اتاۋىن اۋىستىرۋ تۋرالى ۇسىنىس ايتىلىپ, مەملەكەت باسشىسى - پارتيا توراعاسى قاسىم-جومارت كەمەل ۇلى «AMANAT» بولىپ وزگەرۋىن قولدادى. بۇل جاي عانا اتاۋدىڭ وزگەرۋى ەمەس, تولىقتاي جۇمىستىڭ جاڭارۋى, جاڭعىرۋى دەپ بىلەمىن. ال «Jas Otan»-عا كەلەر بولساق, وسىعان بايلانىستى بىزگە ەلىمىزدىڭ تۇكپىر-تۇكپىرىنەن ءتۇرلى ۇسىنىستار تۇسۋدە. بەس ساۋساق بىردەي ەمەس قوي, سول سياقتى جاسوتاندىقتاردىڭ ءبىر بولىگى اتىن اۋىستىرايىق دەسە, ەكىنشىسى بۇرىنعى اتاۋ قالسىن دەگەن پىكىردە. جاستاردىڭ پىكىرى ءبىز ءۇشىن ماڭىزدى. سوندىقتان, بارلىق ۇسىنىستارمەن تۇبەگەيلى تانىسا كەلە ناقتى شەشىمگە كەلەتىن بولامىز. بۇل تۋرالى الداعى ۋاقىتتا وتەتىن «Jas Otan»-نىڭ فورۋمىندا جاريالايمىز دەپ جوسپارلاپ وتىرمىز», دەدى «Jas Otan» جاستار قاناتىنىڭ توراعاسى.
