شەتەلدىكپەن ازاماتتىق-قۇقىقتىق قاتىناستار جاساسۋ كەزىندە ونىڭ ەل اۋماعىندا زاڭدى جۇرگەنىنە كوز جەتكىزىپ, پاسپورتىن جانە ءبىزدىڭ ەلدە بولۋعا قۇقىق بەرەتىن قۇجاتتى كورسەتۋىن تالاپ ەتۋ قاجەت. ول قۇجاتتار رەتىندە ەلدە بەلگىلەنگەن مەرزىمدە ۋاقىتشا تۇرۋعا رۇقسات قۇجاتى, تۇرۋعا ىقتيارحات نەمەسە ازاماتتىعى جوق ادامنىڭ كۋالىگى بولا الادى. بۇزۋشىلىقتار انىقتالعان جاعدايدا شارتتان باس تارتىپ, بۇل تۋرالى كوشى-قون قىزمەتىنە دەرەۋ حابارلاۋ نەمەسە 102 نومىرىنە قوڭىراۋ شالۋ قاجەت.
شارت جاسالعان جاعدايدا جۇمىس بەرۋشى قابىلداۋشى تاراپ رەتىندە ۆيزالىق كوشى-قون پورتالى ارقىلى ءۇش جۇمىس كۇنى ىشىندە كوشىپ كەلۋشىنىڭ ۋاقىتشا تۇرعىلىقتى جەرىن اۋىستىرعانى تۋرالى ىشكى ىستەر ورگاندارىنا حابارلاۋى قاجەت.
قابىلداۋشى تۇلعانىڭ شەتەلدىكتەردىڭ بولۋ قۇقىعىنا قۇجاتتاردى رەسىمدەۋ, نە بولۋدىڭ بەلگىلى ءبىر مەرزىمى وتكەننەن كەيىن ولاردىڭ ەلدەن كەتۋى نە ولاردا بولاتىن كوشىپ كەلۋشىلەر تۋرالى پوليتسياعا ۋاقتىلى حابارلاۋ شارالارىن بۇزعانى ءۇشىن اقبتك-ءنىڭ 518-بابىندا ەسكەرتۋ تۇرىندە جاۋاپكەرشىلىك كوزدەلگەن, قۇقىق بۇزۋشىلىق قايتا جاسالعان كەزدە 30 ايلىق ەسەپتىك كورسەتكىش ايىپپۇل سالىنادى.
ەلدە قازاقستان زاڭناماسىن بۇزۋشىلىقپەن جۇرگەن شەتەلدىككە تۇرعىن ءۇي بەرگەنى ءۇشىن قابىلداۋشى تۇلعاعا 25 ايلىق ەسەپتىك كورسەتكىش مولشەرىندە ايىپپۇل سالىنادى. شەتەلدىكتەر پاتەردى جوندەۋ, ءۇي سالۋ نەمەسە قانداي دا ءبىر باسقا جۇمىستاردى ءتيىستى رۇقساتسىز پايدالانعان جاعدايدا, ايىپپۇل تۇرىندە 30 ايلىق ەسەپتىك كورسەتكىش, ال جىل ىشىندە قايتالاپ جاساعان جاعدايدا 50 اەك ايىپپۇل قاراستىرىلعان. وسى تالاپتاردى ساقتاساڭىز, ءسىز كەلەڭسىز جاعدايلار مەن پروبلەمالارعا تاپ بولمايسىز.
