2020 جىلى بوس جاتقان القاپتاردى انىقتاۋ ءۇشىن قازاقستاننىڭ 4 وبلىسىنا عارىشتان مونيتورينگ جاساۋ جوباسى ىسكە قوسىلعان بولاتىن. زەرتتەۋ ناتيجەسىندە ماڭعىستاۋ وبلىسىنداعى 2 ميلليوننان استام جەردىڭ بوس جاتقانى انىقتالعان. وتكەن جىلى 445 شارۋاعا ەسكەرتۋ بەرىلگەن.
«جالپى اۋىل شارۋاشىلىعىنا تابىستالعان 3 ملن گەكتارداي جەر بار. قاراقيا اۋدانى نەگىزىنەن كولەمدى جەردى قايتاردى, ماڭعىستاۋ اۋدانىنان 12 شارۋاشىلىق 154 مىڭ گەكتارداي جەردى قايتارسا, بەينەۋ اۋدانىندا ءىرى كولەمدەگى شارۋاشىلىق جوق بولعاندىقتان 45 مىڭ, 10 مىڭ گەكتار جەر قايتارىلىپ جاتىر. جەردى 1 جىل ىشىندە پايدالانباعانى انىقتالسا, اۋەلى ەسكەرتۋ بەرىلەدى», دەدى وبلىستىق جەر قاتىناستارى باسقارماسىنىڭ باسشىسى ەسەمۇرات دۇزماعامبەتوۆ.
