ۇكىمەتتىڭ كەڭەيتىلگەن وتىرىسىندا مەملەكەت باسشىسى ۋتيل الىم مولشەرى قايتا قارالاتىنىن اتاپ ءوتتى, بىراق, پرەزيدەنتتىڭ ويىنشا, بۇل ماسەلەدە شەكتەن شىعۋدان اۋلاق بولۋ كەرەك.
«بارلىق قاراجات مەملەكەتكە تۇسەدى. ەندى مولشەرلەمەنى انىقتاۋ قاجەت. جۇمىس توبى بۇل ماسەلەنى بەلسەندى تالقىلاپ جاتىر. بىردەن ايتا كەتۋ كەرەك, ۋتيل الىمدى قايتا قاراستىرامىز. بىراق شەكتەن شىعۋدان اۋلاق بولۋ كەرەك, اۆتوونەركاسىپتى دامىتۋعا جۇمسالعان اقشانى جەلگە شاشىپ, اشىق يمپورتتىق ەسكى-قۇسقى كولىكتەر ءۇشىن ءوز نارىعىڭىزدى اشۋعا بولمايدى», دەدى مەملەكەت باسشىسى.
پرەزيدەنت ماقسات قايتا وڭدەۋ نەمەسە تىركەۋ الىمىنىڭ ءوزى ەمەس ەكەنىن ايتتى. توقاەۆتىڭ سوزىنشە, ەڭ باستىسى - تۇتىنۋشىلار ءۇشىن اۆتوكولىكتەر مەن اۋىل شارۋاشىلىعى تەحنيكاسىنىڭ قولجەتىمدى بولۋى.
«مەن وندىرۋشىلەر مەن ديستريبيۋتورلاردىڭ رەاكتسياسىن كۇتەمىن. ۇكىمەتتىڭ الدىن الا بايانداماسى ونىڭ دۇرىس جولدا ەكەنىن كورسەتەدى», دەدى مەملەكەت باسشىسى.
