پرەزيدەنتتىڭ تاپسىرماسى بويىنشا حالىققا جەڭىلدىكپەن اۆتونەسيە بەرۋدىڭ جاڭا باعدارلاماسى ازىرلەنەدى. قازىرگى ۋاقىتتا باعدارلامانى قايتا ىسكە قوسۋدىڭ بىرنەشە نۇسقالارى قاراستىرىلىپ جاتىر. ماسەلەن, كوپبالالى وتباسىلاردى, كۇش قۇرىلىمدارى قىزمەتكەرلەرىن, دارىگەرلەر مەن مۇعالىمدەردى قولداۋ جونىندە كىشى باعدارلاما قوسۋ ۇسىنىلادى. سونداي-اق ء«بىرىنشى وتباسىلىق اۆتوموبيل» كىشى باعدارلاماسىن قوسۋ مۇمكىندىگى قاراستىرىلعان.
ايتا كەتەلىك, جەڭىلدەتىلگەن اۆتونەسيەلەۋ باعدارلاماسى 2015 جىلى ىسكە قوسىلدى. بۇل 20 جىلعا ەسەپتەلگەن جانە «رەۆولۆەرلىك» ادىسكە نەگىزدەلگەن. قارجىلاندىرۋدىڭ جالپى شەگى – 82 ملرد تەڭگە. باعدارلاما ىسكە اسىرىلعان ساتتەن باستاپ رەۆولۆەرلىك قايتارىمدى قاراجاتتى ەسكەرە وتىرىپ, 159 ملرد تەڭگەگە
30 525 قارىز بەرىلدى. قازىردىڭ وزىندە 80 مىڭعا جۋىق ادام وتاندىق اۆتوكولىكتەردى ساتىپ العان.
جەڭىلدىكپەن اۆتونەسيە بەرۋ باعدارلاماسىنىڭ شارتتارىنا كەلسەك, 1 جەڭىل اۆتوكولىك قۇنى – 15 ملن تەڭگەدەن, نەسيە مەرزىمى – 7 جىلدان, سوڭعى قارىز الۋشى ءۇشىن نومينالدىق سىياقى مولشەرلەمەسى جىلدىق 4%-دان اسپاۋعا ءتيىس. سوڭعى قارىز الۋشى ەدب الدىنداعى نەسيەسىن وتەگەن كەزدە قايتارىلعان قاراجات ەسەبىنەن وتاندىق ءوندىرىستىڭ جەڭىل اۆتوكولىگىن ساتىپ الۋشىلارعا قايتا نەسيە بەرىلەدى.
بۇگىنگى تاڭدا وسى باعدارلامامەن ساتىپ الۋ ءۇشىن ەلىمىزدە قۇراستىرىلعان: Hyundai, KIA, JAC, Chevrolet جانە LADA سياقتى اۆتوموبيلدەر قولجەتىمدى.
