31 قاڭتاردا بايدىبەك اۋدانىنىڭ العاباس اۋىلىنان 5 شاقىرىم جەردە ورنالاسقان شارۋا قوجالىعىنىڭ اۋماعىندا ەكى قاباتتى عيماراتتىڭ ورتەنگەنى تۋرالى حابارلاما تۇسكەن.
ءبىرىنشى قاباتىندا مال, ەكىنشى قاباتىندا ءشوپ تۇرعان.
ءورت سالدارىنان 1 150 باس قوي قىرىلىپ, 150 توننا ءشوپ جانىپ كەتكەن. وقيعا ورنىنان قويشىنىڭ دەنەسى دە تابىلىعان.
توتەنشە جاعدايلار مينيسترلىگىنىڭ مالىمەتىنشە, ءورت 09.37-دە وقشاۋلانىپ, 10.23-تە اۋىزدىقتالعان. ءورت اۋماعى 781 شارشى مەتر بولادى. ءورتتىڭ شىعۋ سەبەبى انىقتالىپ جاتىر. ءورت سوندىرۋگە تۇركىستان وبلىسى توتەنشە جاعدايلار دەپارتامەنتىنىڭ 15 ءورت ءسوندىرۋشىسى مەن 4 بولىمشەسى جۇمىلدىرىلدى.
