بيىلعى 31 قاڭتارداعى جاعداي بويىنشا «InfoKazakhstan.kz» ەلەكتروندىق پلاتفورماسى ارقىلى الماتى, شىمكەنت قالالارىنان, الماتى, جامبىل, شىعىس قازاقستان, اقتوبە جانە باتىس قازاقستان وبلىستارىنان زالالدى وتەۋگە 2000-نان استام ءوتىنىم بەرىلدى.
زالالدى وتەۋ تەتىگى وتىنىمدەردى وڭايلاتىلعان ءتارتىپ بويىنشا جانە سوت ساراپتاماسىنىڭ قورىتىندىلارى نەگىزىندە ءوتىنىش بەرۋشىنىڭ قالاۋى بويىنشا قاراۋدى كوزدەيدى. الماتى قالاسىندا ساراپتامالاردى جەدەل جۇرگىزۋ ءۇشىن 33 ساراپشى جۇمىس ىستەيدى, 68 سوت ساراپشىسىنان تۇراتىن قوسىمشا رەزەرۆ قۇرىلدى.
وڭىرلىك كوميسسيالاردىڭ جۇمىسى اياسىندا وڭ شەشىمدەر قابىلداندى, العاشقى وتەماقىلار ءوتىنىش بىلدىرگەن بيزنەسمەندەردىڭ ەسەپشوتتارىنا اۋدارىلدى. ماسەلەن, الماتى قالاسىندا 17 كاسىپكەر جالپى سوماسى 33 ملن تەڭگەگە تولەم الدى.
ۇكىمەت بيزنەستىڭ قىزمەتىن قالپىنا كەلتىرۋ ماقساتىندا ولارعا كەلتىرىلگەن زالالدى جەدەل وتەۋ ءجونىندەگى جۇمىستى ودان ءارى جالعاستىرادى.
