قازاقستان • 22 قاڭتار، 2022

ءىىم: جاپپاي تارتىپسىزدىك كەزىندە ۇستالعانداردىڭ قۇقىعى تاپتالمايدى

143 رەت كورسەتىلدى

ءىىم قىلمىستىق-اتقارۋ جۇيەسى كوميتەتى توراعاسىنىڭ ورىنباسارى مەيرام ايۋباەۆ وكق-دە وتكەن ءباسپاسوز ءماسليحاتىندا جاپپاي تارتىپسىزدىك كەزىندە ۇستالعان ازاماتتاردىڭ قۇقىعى زاڭ اياسىندا قورعالاتىنىن مالىمدەدى، دەپ حابارلايدى Egemen.kz.

ء«بىر اپتا ىشىندە ادام قۇقىقتارى جونىندەگى ۋاكىل ەلىمىزدىڭ 12 وڭىرىندە تەرگەۋگە الىنىپ، قامالعانداردى ۇستاۋ جاعدايىن تەكسەردى. اتاپ ايتقاندا 12 تەرگەۋ يزولياتورى، 67 ۋۇي جانە اپب ارنايى ءۇي-جايىنا باردى. ودان باسقا، پروكۋراتۋرا زاڭدىلىقتىڭ قامتاماسىز ەتىلۋىن ۇزدىكسىز قاداعالاپ وتىر. تاعى ءبىر ەسكە سالعىم كەلەتىنى - تەرگەۋ مەكەمەسىنە جەتكىزىلگەن بارلىق ادام مىندەتتى تۇردە مەديتسينالىق تەكسەرۋدەن وتەدى. قاجەت بولعان جاعدايدا ولارعا ءتيىستى ەم-دوم تاعايىندالادى»،  دەدى  مەيرام ايۋباەۆ.

سونداي-اق، ستاتسيونارلىق ەمدەۋ قاجەت بولعان جاعدايدا پاتسيەنت اۋرۋحاناعا جىبەرىلەتىنىن ايتتى.

«قۇرمەتتى قازاقستاندىقتار، كوميتەتتە جانە بارلىق وڭىرلىك دەپارتامەنتتەردە call-ورتالىق جۇمىس ىستەيدى. ورتالىققا حابارلاسۋ ارقىلى ءسىز قاماۋعا الىنعان ادامدار تۋرالى جانە وزگە اقپاراتتى الا الاسىز. ادۆوكاتتاردىڭ وسى ورتالىق ارقىلى مالىمەت الۋ مۇمكىندىگى بار. ازاماتتاردىڭ كونستيتۋتسيالىق قۇقىعىن قورعاۋعا قاتىستى بارلىق ءتيىستى شارالار قابىلدانىپ جاتىر»، دەدى ول.

سوڭعى جاڭالىقتار

ۇقساس جاڭالىقتار