پروكۋراتۋرا ورگاندارىنا ازاپتاۋ جانە پوليتسيا قىزمەتكەرلەرىنىڭ تەرگەۋ بارىسىندا ازاماتتاردىڭ قۇقىقتارىن بۇزۋ دەرەكتەرى بويىنشا 91 شاعىم تۇسكەن.
19 ارىزدا كورسەتىلگەن زاڭبۇزۋشىلىقتار راستالماعان. ال 56-سى بويىنشا تەكسەرۋلەر جۇرگىزىلۋدە.
سونداي-اق, كەيبىر جاعدايلاردا ازاماتتاردىڭ قۇقىقتارىن بۇزۋ راستالدى.
«مىسالى, 12 قاڭتاردا الماتى قالاسىنىڭ پروكۋراتۋراسىمەن زاڭسىز قاماۋدا وتىرعان 24 قالا تۇرعىنى بوساتىلدى», دەدى قر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ وكق-دا وتكەن ءباسپاسوز ءماسليحاتىندا.
ونىڭ ايتۋىنشا, بۇل فاكتىلەرمەن ارنايى پروكۋرورمەن تەرگەۋ جۇرگىزىلۋدە.
«سونىمەن قاتار, ۇستالعاندارعا قاتىستى ادام ءولىمى, ازاپتاۋ, بيلىكتى اسىرا قولدانۋ دەرەكتەرىمەن قىلمىستىق ىستەر تەرگەلۋدە. رەسپۋبليكا بويىنشا وسىنداي 16 قىلمىستىق ءىس باستالدى», دەدى ول.
ايتا كەتەيىك, ارنايى جانە قۇقىق قورعاۋ ورگاندارى قىزمەتكەرلەرىنىڭ زاڭسىز ارەكەتتەرىنە جەدەل شارا قولدانۋ ماقساتىندا ەلىمىزدىڭ بارلىق وڭىرلەرىندە ارنايى ءموبيلدى توپتار قۇرىلعان.
بۇدان بولەك «prokuror.gov.kz» رەسمي سايتىندا وبلىستىق جانە باس پروكۋراتۋرانىڭ سەنىم تەلەفوندارى جاريالانعان.
