تاياۋدا «اسىل انا 2020» قوعامدىق قورىنىڭ ەرىكتىلەرى شالا تۋعان نارەستەلەرگە جۇننەن شۇلىقتار مەن كيىم-كەشەك توقىپ, ولاردى پريشاحتينسك ەلدى مەكەنىندەگى پەريناتالدى ورتالىققا تابىس ەتتى. اتالعان قوردىڭ باسشىسى ايجان بايدەلدينوۆانىڭ ايتۋىنشا, بۇگىندە ءاربىر ونىنشى بالا مەرزىمىنەن بۇرىن جارىق دۇنيەگە كەلەدى ەكەن.
– «شالابايلار» دەپ ۋاقىتىنان بۇرىن تۋعان بالالاردى ايتادى. ءبىز پريشاحتينسك پەريناتالدى ورتالىعىندا سالماعى 500-دەن 2 200 گرامم بولىپ ومىرگە كەلگەن سابيلەرگە جۇننەن توقىلعان جىلى جانە ءتۇرلى-ءتۇستى جيىنتىقتاردى سىيعا تارتتىق. كىپ-كىشكەنتاي شۇلىقتار مەن باس كيىمدەردى, كەۋدەشەلەر مەن كورپەشەلەردى ءبىزدىڭ كوپ بالالى انالارىمىز توقىدى, – دەيدى ول.
ماماندار قىلشىقتى ءجۇن شالابايلاردى جىلىتىپ قانا قويمايدى, سونىمەن قاتار ولاردى قوزعالىپ جاتۋعا يتەرمەلەيدى ەكەن. وسىلايشا, قان اينالىمىن قالپىنا كەلتىرەتىن كورىنەدى.
قازىرگى تاڭدا «اسىل انا 2020» قوعامدىق قورىنىڭ 2 300-گە جۋىق مۇشەسى بار. ولاردىڭ بارلىعى ءوڭىردىڭ قوعامدىق ومىرىنە بەلسەندى قاتىسادى. قور بىرنەشە جىلدان بەرى وبلىستاعى الەۋمەتتىك تۇرعىدا از قامتىلعان تۇرعىندارعا قول ۇشىن سوزىپ كەلەدى. «جاقسىلىق جاسا – دەلاي دوبرو» قايىرىمدىلىق جارمەڭكەسىن دە وتكىزىپ تۇرادى.
قاراعاندى وبلىسى
