– قىزىلوردا قالاسىندا «كومپاس», «Sinooil», «گازەنەردجي» جانار-جاعارماي بەكەتتەرىنە, «سۇلتان», «فريستايل», «بىرلىك», «ال-اساد» ساۋدا ۇيلەرىنىڭ عيماراتتارىنا, تولەم تەرمينالدارىنا, «م-لومبارد» عيماراتىنا زالال كەلتىرىلىپ, م ۇلىكتەرىن (ازىق-ت ۇلىك, التىن بۇيىمدارى, اقشا) توناۋ فاكتىلەرى ورىن العان. كەلتىرىلگەن زالالدىڭ كولەمىن ناقتى ايتۋ قيىن. دەگەنمەن پالاتا مەن وبلىستىق باسقارماعا حابارلاسىپ, وتىنىشتەرىن قالدىرىپ جاتقان كاسىپكەرلەردىڭ سوزدەرىنە سۇيەنسەك, زالالدىڭ جالپى سوماسى 395,4 ملن تەڭگەنى قۇرايدى. شىعىندار ءالى دە بولسا ەسەپتەلۋدە. بايلانىس تۇزەتىلگەن سوڭ, ءبىز كاسىپكەرلەرمەن حابارلاسىپ, تولىق اقپارات پەن دالەلدەيتىن قۇجاتتاردى الامىز. سوندىقتان, كاسىپكەرلەردەن زالالدى دالەلدەۋ ءۇشىن بارلىق دەرەكتەردى فوتو جانە ۆيدەو ارقىلى تىركەۋدى سۇرايمىز, – دەيدى وبلىستىق كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ.
وبلىستىق پوليتسيا دەپارتامەنتىنىڭ باستىعى, اۋماقتىق كومەندانت بەكتورە سۇلتاننىڭ بۇيرىعىنا سايكەس قىزىلوردادا كومەندانتتىق ساعات ەنگىزىلدى (ساع. 23.00-دەن 07.00-گە دەيىن). بۇيرىققا ساي:
– وبلىس كولەمىندە ازىق-ت ۇلىك دۇكەندەرى جانە ءدارىحانالاردىڭ جۇمىس ۋاقىتى ساعات 09.00-دەن 18.00-گە دەيىن;
– وبلىس كولەمىندە الكوگولدىك ونىمدەردىڭ ساتىلۋىنا تىيىم سالىندى;
– وبلىس كولەمىندە كافە-بارلار, مەيرامحانالار, قوعامدىق مونشالار, ساۋنالار, سپورتتىق ۇيىمدار, ويىن-ساۋىق ورتالىقتارىنىڭ جۇمىسىنا تىيىم سالىندى.
اتالعان بۇيرىقتىڭ ورىندالۋ مەرزىمى جاعداي تۇراقتالىپ, ارنايى شەشىم قابىلدانعانعا دەيىن كۇشىندە ساقتالادى.
– قالا تۇرعىندارى مەن قوناقتارىن, كاسىپكەرلەردى قاۋىپسىزدىك شارالارىن, كومەندانتتىق ساعاتتى قاتاڭ ۇستانىپ, ءتارتىپ ساقتاۋعا شاقىرامىن. پرەزيدەنتتىڭ ساياسي ۇستانىمىنىڭ جانە ءتيىمدى شەشىمدەرىنىڭ ناتيجەسىندە ەلىمىزدە تىنىشتىق ورناپ, قالىپتى ومىرىمىزگە قايتا ورالامىز دەپ سەنەمىن, – دەدى ع.جاقسىلىقوۆ.
