«2021 جىلعى 22 جەلتوقسانداعى جاعداي بويىنشا, ۆيرۋستىڭ «وميكرون» شتامى 110 ەلدە, ددۇ-نىڭ بارلىق التى وڭىرىندە انىقتالدى», دەلىنگەن ۇيىم مالىمدەمەسىندە.
ساراپشىلاردىڭ ايتۋىنشا, «وميكرون» شتامى «دەلتا» شتامىنا قاراعاندا تەز تارالادى. وعان قوسا جۇقتىرعاندار قاتارى 2-3 كۇن سايىن ەكى ەسە ارتىپ جاتىر. «وميكرون» شتامىنىڭ سالدارىنا كەلەر بولساق, ناقتى مالىمەت جوق. وڭتۇستىك افريكا, ۇلىبريتانيا جانە دانيا ەلدەرىنەن الىنعان دەرەكتەرگە سايكەس, «وميكرون» شتامىن جۇقتىرعاندار ۆيرۋستىڭ «دەلتا» شتامىن جۇقتىرعاندارعا قاراعاندا اۋرۋحاناعا سيرەك تۇسەدى. مۇنى «وميكرون» شتامىنا اعزانىڭ يممۋندىق قورعانىسىنىڭ قاتتى اسەر ەتپەيتىندىگىمەن تۇسىندىرۋگە بولادى. قازىرگى كەزدە مامانداردا «وميكرون» شتامىنا ۆاكتسينانىڭ قالاي اسەر ەتەتىنى تۋرالى دەرەكتەر از بولىپ وتىر.
ۇلىبريتانيا كورولدىگىڭ سانيتاريا باسقارماسى كوروناۆيرۋستىڭ «وميكرون» اتتى جاڭا شتامىنىڭ تارالۋى جەلتوقساننىڭ سوڭعى كۇندەرىنە قاراي ارتۋى مۇمكىن ەكەنىن تەرىسكە شىعارمايدى. بيلىك بريتانيالىقتاردى تەز ارادا كوۆيدكە قارسى رەۆاكتسيناتسيا سالدىرتىپ, ءۇشىنشى ەكپەنىڭ كومەگىمەن «وميكرون» شتامىن جۇقتىرۋدىڭ الدىن الۋعا شاقىردى.
