بۇل تۋرالى Polisia.kz سايتى مالىمدەدى.
وقيعا 16 جەلتوقساندا ساعات 14:00 شاماسىندا جامبىل اۋدانى جاڭاقۇرىلىس اۋىلىنىڭ باتىس باعىتىندا 58 كيلومەتردە الماتى-بىشكەك تاسجولىندا بولعان. ەڭبەكشىقازاق اۋدانى قاينازار اۋىلىنىڭ 26 جاستاعى تۇرعىنى Chevrolet Cruze اۆتوكولىگى تىزگىنىندە ۆاز-21063 اۆتوكولىگىمەن سوقتىعىسقان.
«اپات سالدارىنان Chevrolet Cruze اۆتوكولىگىنىڭ جۇرگىزۋشىسى مەن جولاۋشىسى الماتى قالاسىنىڭ 21 جانە 30 جاستاعى تۇرعىنى 9 ايلىق بالاسىمەن اۋرۋحاناعا جەتكىزىلدى. الماتى قالاسىنىڭ 47 جاستاعى تۇرعىنى وقيعا ورنىندا قازا بولدى. بالا العان جاراقاتىنان ەمدەۋ مەكەمەسىندە ەكى ساعاتتان كەيىن قايتىس بولدى. ۆاز-21063 اۆتوكولىگىنىڭ جۇرگىزۋشىسى مەن ونىڭ جولاۋشىسى سارىباستاۋ اۋىلىنىڭ 59 جاستاعى تۇرعىنى ءتۇرلى جاراقاتپەن اۋرۋحاناعا جەتكىزىلدى», دەلىنگەن سايتتا.
دەرەك قر قك-ءنىڭ 345-بابى 4-بولىگى ء(«اۆتوموبيلدى باسقاراتىن ادامنىڭ ەكى ادامنىڭ ولىمىنە اكەپ سوققان جول ءجۇرىسى قاعيدالارىن بۇزۋى») بويىنشا سدتبت-دە تىركەلدى. Chevrolet Cruze اۆتوكولىگىنىڭ جۇرگىزۋشىسى قاماۋعا الىندى.
