تۋرنيرگە 23 كوماندادان قۇرالعان 200-گە جۋىق بيلياردشى قاتىسىپ جاتىر.
جارىستا رەسەي فەدەراتسياسى ومسك قالاسى جانە قازاقستان وڭىرلەرىنەن كەلگەن 10 كوماندا باقتارىن سىناماق. اتاپ ايتساق, الماتى, باتىس, سولتۇستىك قازاقستان وبلىستارى جانە الماتى, شىمكەنت, وسكەمەن, كوكشەتاۋ, قاراعاندى, پاۆلودار, نۇر-سۇلتان قالالارى.
ء«بىز وتە ۇلكەن تۋرنير وتكىزىپ وتىرمىز. ءبىرىنشى تۋرنيردە ءبىر كوماندا, 14 ادام بولسا, قازىر 180 ادام قاتىسىپ جاتىر. ونىڭ ىشىندە «سەن تۇر, مەن ايتايىن» دەگەن مىقتىلار كەلدى. 23 كوماندا قاتىسىدى. 15 كوماندا 50-63 جاس شاماسىنداعىلار. ولاردى ءبىز «ارعىماقتار» دەيمىز. 63 جاستان جوعارعىلار, ياعني «تارلاندار» 2 كومانداعا توپتاسقان. ويىن 3 كۇنگە سوزىلادى. كەرەمەت تارتىستى جارىس بولايىن دەپ تۇر. بارلىعى اۋدان, قالا اتىنان كەلگەن. نەگىزگى ماقسات – بۇقارالىق سپورتتى, بيلياردتى دامىتۋ. ءبىزدىڭ باستاۋىمىزبەن بيليارد حالىقتىڭ ەڭ ءبىر سۇيىكتى ويىنىنا اينالىپ وتىر», دەدى ۇيىمداستىرۋشى, « ۇلى دالا قىراندارى» حالىقارالىق قوزعالىسىنىڭ جانە «الەم قىراندارى» بيلياردشىلار قوعامداستىرىعىنىڭ باسشىسى, قر ەڭبەك سىڭىرگەن قايراتكەرى, جازۋشى سادىبەك تۇگەل.
ءسوز سوڭىندا سادىبەك تۇگەل قازاقستاندىقتاردى تاۋەلسىزدىكتىڭ 30 جىلدىق مەرەيتويىمەن قۇتتىقتادى.
«ەگەمەندىگىمىزدىڭ 30 جىلدىعى قۇتتى بولسىن! بۇگىنگى مەرەكەمەن بارشا حالىقتى شىن جۇرەكتەن قۇتتىقتايمىن! ءار وتباسىعا تابىس, جەڭىس تىلەيمىن! بەرەكە-بىرلىگىمىز ارتا بەرسىن!» دەدى سادىبەك تۇگەل.
ايتا كەتسەك, ەڭ قارت ويىنشى 78 جاستا, ال ەڭ جاس قاتىسۋشى 50 جاسقا تولعان.
