«الاش» ادەبي سىيلىعى مەن ۆالەنتين پيكۋل اتىنداعى جانە ورالحان بوكەي اتىنداعى سىيلىقتاردىڭ لاۋرەاتى, جازۋشى-دراماتۋرگ تالاپتان احمەتجاننىڭ 60 جاسقا تولۋى پرەمەرامەن تۇسپا-تۇس كەلىپ وتىر.
ت. احمەتجانوۆتىڭ بۇل شىعارماسى وسىعان دەيىن بىرنەشە ساحنادا قويىلدى. سەزىم سىرىن جىر ەتكەن قويىلىم تۇركىستان مۋزىكالىق دراما تەاترىندا زاماناۋي كەلبەتكە يە بولادى. قويىلىمنىڭ رەجيسسەرى – قازاقستاننىڭ ەڭبەك سىڭىرگەن قايراتكەرى نۇرقانات جاقىپباي. ول وسىمەن ءۇشىنشى رەت تەاتر ساحناسىندا «سۇلۋ مەن سۋرەتشىنى» ساحنالايدى. ۇشەۋى ءۇش ءتۇرلى قويىلۋىمەن ەرەكشەلەنەدى.
كوركەمدىك جەتەكشىسى – اينۇر كوپباساروۆا. قويۋشى سۋرەتشىسى – قابىل حالىقوۆ. سپەكتاكلگە ارنايى مۋزىكا جازعان تۇركىستان مۋزىكالىق دراما تەاترى مۋزىكالىق ءبولىمىنىڭ مەڭگەرۋشىسى, باس كومپوزيتورى حاميت شانعاليەۆ. بالەتمەيستەر – مادينا مۇراتپەكوۆا. بۇل سپەكتاكلدىڭ باستى جاڭالىعى پرەمەرادا الەمگە ايگىلى اماتي (Antonius Hieronymus Amati) تاريحي اسپابىمەن شۆەيتساريانىڭ تسيۋريح قالاسىندا تۇراتىن تالانتتى مۋزىكانت ەلدار ساپاراەۆتىڭ كەلۋى.
1628 جىلى جاسالعان 400 جىلدىق تاريحى بار ۆيولونچەل اسپابىمەن قويىلىمنىڭ مۋزىكاسى ساحنادا وينالادى. 300 جىل ەۋروپانىڭ كورولدىك وتباسىلارىنىڭ جەكە كوللەكتسياسىندا ساقتالعان Amati تاريحي اسپابى قازىر مۇراجايعا قويىلعان. الەمدە مۇنداي اسپاپ, بار بولعانى ۇشەۋ-اق. تۇركىستاننىڭ تورىندە وينالاتىن اماتي (Antonius Hieronymus Amati) تاريحي ۆيولونچەلى الەمنىڭ مادەني مۇراسى. الەم مويىنداعان مۋزىكانت ەلدار ساپاراەۆ اماتي اسپابىمەن «ماحاببات مۇناراسىنا» جان بىتىرەدى.
باستى رولدەردى اقبوتا راحات پەن جۇلدىز ابديكاريموۆا جانە ءادىل احمەتوۆ, نۇرقانات جاقىپباەۆ, تۇركىستان تەاترىنىڭ اكتەرلەرى وينايدى.
