قۇرمەتتى قوناقتار اراسىندا قر پرەزيدەنتى اكىمشىلىگىنىڭ, قر تۇڭعىش پرەزيدەنتى – ەلباسى كەڭسەسىنىڭ, قر پارلامەنتىنىڭ دەپۋتاتتىق كورپۋسىنىڭ, رەسەي ەلشىلىگىنىڭ, قازاقستانداعى روسسوترۋدنيچەستۆو وكىلدىگى جانە ممۋ قازاقستاندىق فيليالىنىڭ ءار جىلدارداعى تۇلەكتەرى, وقىتۋشىلار, ستۋدەنتتەر بولدى.
سالاتاناتتى جيىندا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ قر تۇڭعىش پرەزيدەنتى – ەلباسى نۇرسۇلتان نازارباەۆتىڭ قۇتتىقتاۋ حاتىن وقىپ بەردى.
«م. ۆ. لومونوسوۆ اتىنداعى ممۋ قازاقستان فيليالىنىڭ ۇجىمىنا! سىزدەردى م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستان فيليالىنىڭ قۇرىلعانىنا 20 جىل تولۋىمەن قۇتتىقتايمىن. مەنىڭ باستامام بويىنشا جانە رف پرەزيدەنتى ۆ.ۆ. ءپۋتيننىڭ قولداۋىمەن قۇرىلعان بۇل جوعارى وقۋ ورنى – قوس ەلدىڭ دوستىعى مەن ستراتەگيالىق ارىپتەستىگىنىڭ جارقىن ۇلگىسى بولدى. مەن 1994 جىلى ەۋرازيالىق وداقتى قۇرۋ يدەياسىن دا ماسكەۋ ۋنيۆەرسيتەتىندە ايتقان ەدىم. ال قازىر ونىڭ فيليالى ەۋرازيانىڭ ورتالىعىندا تابىستى قىزمەت ەتۋدە», دەيدى ن. نازارباەۆ.
ءوز سوزىندە ەلباسى فيليال تۇلەكتەرىنىڭ تاۋەلسىزدىكتىڭ 30 جىلدىعىن اتاپ ءوتىپ جاتقان قازاقستاننىڭ دامۋى مەن گۇلدەنۋىنە لايىقتى ۇلەس قوسىپ جۇرگەندەرىن اتاپ ءوتتى.
«زاماناۋي جانە كەڭىنەن ويلايتىن مامانداردى داريالاۋ جانە بىرلەسكەن عىلىمي زەرتتەۋلەر جۇرگىزۋ وتاندىق جوعارى ءبىلىم كوشباسشىلارىنىڭ ءبىرى رەتىندە جوو الەۋەتىن ودان ءارى وسىرۋگە ىقپال ەتەدى. ممۋ قازاقستان فيليالىنىڭ ۇجىمىنا ەلىمىزدىڭ يگىلىگى ءۇشىن جاڭا تابىستار مەن جەتىستىكتەر جانە قازاقستان-رەسەي ىنتىماقتاستىعىن ءارى قاراي ىلگەرىلەتۋدى تىلەيمىن», دەدى ن. نازارباەۆ.
ايتا كەتەيىك, م. ۆ. لومونوسوۆ اتىنداعى ممۋ قازاقستان فيليالى قر تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسىمەن جانە رف پرەزيدەنتى ۆلاديمير ءپۋتيننىڭ قولداۋىمەن قۇرىلعان.
2000 جىلعى 9 قازاندا رەسەي فەدەراتسياسىنىڭ پرەزيدەنتى ۆ.ۆ. ءپۋتيننىڭ قازاقستان رەسپۋبليكاسىنا جاساعان مەملەكەتتىك ساپارىندا ممۋ رەكتورى, اكادەميك ۆ.ا. سادوۆنيچي مەن قر ءبىلىم جانە عىلىم ءمينيسترى ق.ە.كوشەرباەۆ استانا قالاسىندا ل.ن.گۋميلەۆ اتىنداعى ەۋرازيالىق ۇلتتىق ۋنيۆەرسيتەتتىڭ بازاسىندا م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستان فيليالىن قۇرۋ تۋرالى حاتتاماعا قول قويعان بولاتىن.
