وقيعا 10 جەلتوقسان كۇنى ساعات 17:30-دا تىركەلگەن. مۇناي وندىرەتىن كومپانيالاردىڭ بىرىنە تيەسىلى «كاماز-21099» اۆتوكولىگىنىڭ 60 جاستاعى جۇرگىزۋشىسى كەن ورنىنان شىعىپ, تەمىر اۋدانى, كەڭقياق كەنتىنە باعىت العان. جۇرگىزۋشى جولدا رۋلگە يە بولا الماي, كولىك اۋدارىلىپ قالعان.
«جول اپاتى سالدارىنان كولىك جۇرگىزۋشىسى مەن ءتۇرلى دەنە جاراقاتىن العان 6 جولاۋشى كەڭقياق اۋىلدىق اۋرۋحاناسىنا جەتكىزىلدى. وبلىستىق پوليتسيا دەپارتامەنتى كولىك جۇرگىزۋشىلەرىن جول ەرەجەلەرىن قاتاڭ ساقتاۋعا شاقىرادى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
كەڭقياق اۋىلدىق اۋرۋحاناسى قىزمەتكەرىنىڭ مالىمەتىنە سۇيەنسەك, ءبارىنىڭ جاعدايى جاقسى.
