ونەركاسىپ سالاسى وركەندەپ كەلەدى

ءۇشىنشى مەگاپوليستە وندى­رىلگەن ونىمدەردىڭ ساپاسى جو­عارى باعالانىپ، سۇرانىسقا يە بولۋدا. مىسالى، كۇنى كەشە تا­ۋەلسىزدىكتىڭ 30 جىلدىق مەرەيتويىنا وراي مەملەكەت باسشىسى قاسىم-جومارت توقاەۆتىڭ قاتىسۋىمەن وتكەن 2021 جىلعى «التىن ساپا» جانە «پارىز» سىي­لىقتارىنىڭ جەڭىمپازدا­رى اراسىندا شىمكەنتتىك كومپانيا­لار دا بار. وسى ارادا ايتا كە­تەلىك، بۇعان دەيىنگى بايقاۋلار­دا شىمكەنت قالاسىنداعى 7 كومپانيا «التىن ساپا» سىيلى­عىن ال­عان بولاتىن. بيىل مەگاپو­ليستەن بايقاۋعا قاتىسۋعا 11 كومپانيا ءوتىنىش ءبىلدىردى. پرەزيدەنتتىڭ «التىن ساپا» ارنايى سىيلى­عىن شىمكەنت قالاسىنان «ەكو­فارم ينتەرنەيشنل» جشس الدى. مەديتسينا بۇيىمدارىن شىعاراتىن كاسىپورىن «حالىق ءۇشىن تاۋارلار شىعاراتىن ۇز­دىك كاسىپورىندار» نومينا­تسيا­سىنىڭ جەڭىمپازى اتاندى. بۇل – مەگاپوليستەگى تۇتىنۋشىعا سا­پالى ءونىم ۇسىنا الاتىن سەرىك­تەستىكتەردىڭ ءبىرى. كاسىپورىن جىلىنا 140 ملن دانا مەديتسينالىق بۇيىمدار شىعارۋعا قاۋقارلى. ونىڭ ىشىندە جىلىنا 60 ملن دانا ءبىر رەتتىك ستەريلدى ۆاكۋمدىق پروبيركالار، 40 ملن دانادان استام مەديتسينالىق ءبىر رەتتىك ستەريلدى ەكىجاقتى ينەلەر جانە 40 ملن دانا ينە ۇستاعىشتار بار. كومپانيا الداعى ۋاقىتتا ونىمدەرىن رەسەي، ۋكراينا مەن وزبەكستان نارىعىنا شىعارۋدى كوزدەپ وتىر. سونداي-اق اتالعان شارا بارىسىندا « ۇلى دالا ەلى» سىيلىعىن شىمكەنت قالاسىن­دا­عى جيھاز شىعاراتىن «Mega Smart» جشس الدى. ال «ارۋ انا» گران-ءپريىن شىمكەنت قالاسى ىس­كەر ايەلدەر كەڭەسىنىڭ ءتورايىمى الما ارحاباەۆا يەلەندى.

ساپالى ءونىمى جوعارى باعا­لان­عان كاسىپورىندار وزگە ارىپ­تەستەرى مەن باسەكەلەستەرىنە ۇل­گى بولارى انىق. بۇل ورايدا شىم­كەنتتە ونەركاسىپ سالاسىن­دا 718 كا­سىپ­­ورىن بەلسەندى جۇ­مىس ىستەپ جات­قانىن، ونىڭ ىشىندە 605 وڭدەۋ ونەركاسىبىنىڭ ۇلەسىندە ەكەنىن ايتا كەتەلىك. ونەركاسىپ ءونىمىنىڭ كولەمى بيىل 10 ايدا 632،5 ملرد تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 6،7 پايىزعا ارتتى. بۇل كور­سەت­كىش بويىنشا شىمكەنت قالا­­سى رەسپۋبليكادا 6-ورىندا. جىل سوڭىنا دەيىن ونەركاسىپ ءونى­مى­نىڭ كولەمى 750 ملرد تەڭگە بولادى دەپ كۇتىلۋدە. وڭدەۋ ونەر­كاسىبىندە 551،7 ملرد تەڭگەنىڭ ءونىمى ءوندىرىلىپ، وتكەن جىلمەن سالىستىرعاندا 5،3 پايىزعا وس­كەن. بۇل كورسەتكىش بويىنشا شىم­كەنت قالاسى 9-ورىندا. وڭدەۋ ونەركاسىبى سالاسىندا 22 مىڭنان استام ادام جۇمىس ىستەۋدە. ون ايدا قالىپتاسقان جاعداي جانە وڭ­دەۋ ونەركاسىبىنىڭ سالالارىنا جاسالىنعان تالداۋ ناتيجەسى نەگىزگى سالالاردا تۇراقتى ءوسۋ دي­­ناميكاسى قالىپتاسقانىن كور­سەتىپ وتىر. اتاپ ايتقاندا، مۇناي وڭدەۋ ونىمدەرىن وندىرۋدە – 7%، ماشينا جاساۋدا – 60%، فارماتسەۆتيكا ونەركاسىبىندە – 3%، جەڭىل ونەركاسىپتە – 2%، سۋسىندار وندىرۋدە – 11%، دايىن مەتالل بۇيىمدارىن وندىرۋدە – 27%، حيميا ونەركاسىبىندە – 32%، جيھاز وندىرۋدە 25 پايىزعا ءونىم كولە­مى ارتقان. شىمكەنت قالاسىنىڭ اكىمى مۇرات ايتەنوۆ قالالىق ءماسليحات دەپۋتاتتارى الدىندا بەرگەن ەسەبىندە بيىلعى 10 ايدا بارلىق سالادا وڭ دامۋ ديناميكاسى ساقتالعانىن جەتكىزدى.

«ونەركاسىپ ءونىم كولەمىنىڭ يندەكسى – 6،7%-عا، اۋىل شارۋا­شىلىعى – 1،2%-عا، ينۆەستيتسيا كولەمى – 41،2%-عا، قۇرىلىس جۇمىستارى – 11،8%-عا، پايدا­لانۋعا بەرىلگەن تۇرعىن ۇيلەر الاڭى – 23،7%-عا، بولشەك ساۋ­دا كولەمى 9،6%-عا ارتتى. بۇل ستا­تيستيكالىق دەرەكتەردىڭ ارتىندا قالانىڭ تىنىس-تىرشىلىگىنە ارنالعان ۇلكەن جۇمىس، تۇرعىن­داردىڭ ءومىر ساپاسىن ارتتىرۋعا باعىتتالعان اۋقىمدى ىستەر بار. ءاربىر باستامامىزدىڭ يگىلىگىن حالىق سەزىنۋى قاجەت. وسى ماقساتتا قالانىڭ بەس جىلدىق دامۋ جوسپارى قابىلداندى، ول جۇيەلى تۇردە ىسكە اسىرىلۋدا»، دەدى قالا اكىمى.

اۋىل شارۋاشىلىعىندا 29 مىڭ گەكتار جەرگە ەگىستىك ەگىلىپ، 85 مىڭ توننا ءونىم جينالدى. شا­رۋالاردى قولداۋدا 133 كاسىپ­كەرگە 2،6 ملرد تەڭگەگە سۋبسيديا بولىنگەن. سونىمەن بىرگە 7،6 ملرد تەڭگەگە 17 جوبا ىسكە اسىپ، 200-دەن استام جۇمىس ورنى اشىلدى. ال قالاعا تارتىلعان ينۆەستيتسيا كولەمى وتكەن جىلدىڭ سايكەس كە­زەڭىمەن سالىستىرعاندا 41،2 پا­يىزعا ارتىپ، 325 ملرد تەڭگەدەن استى. مەگاپوليس مارتەبەسىن ال­عان ۋاقىتتان بەرى قالا بيۋدجەتى­نىڭ كولەمى 4 ەسەگە ارتتى. جىل با­سىن­دا بەكىتىلگەن بيۋدجەت 388 ملرد تەڭگە بولسا، قازىر 491 ملرد تەڭگەگە جەتتى نەمەسە ءبىر جىل­دىڭ ىشىندە قالا بيۋدجەتى 103 ملرد تەڭگەگە ۇلعايدى. بيۋد­جەت­تىڭ 45 پايىزى الەۋمەتتىك سا­لا­عا باعىتتالسا، 25 پايىزى دامۋ جو­با­لارىن قۇرايدى. بۇل كورسەت­كىشتەردەن بولەك قالادا ءبىلىم، دەن­ساۋلىق ساقتاۋ، سپورت، مادە­نيەت، جۇمىسپەن قامتۋ سەكىل­دى باس­قا سالالاردا دا جەتىستىكتەر بار.