انا مەن بالا دەنساۋلىعىن قورعاۋ دەپارتامەنتى مالىمەتىنشە, 2021 جىلعى 10 اي ىشىندە COVID-19 ينفەكتسياسىنان قازاقستاندا 11 بالا قايتىس بولعان.
«جەدەل دەرەكتەر بويىنشا 2021 جىلدىڭ 10 ايىندا COVID-19 ينفەكتسياسىنان 1 ايلىق ەكى بالا (پاۆلودار وبلىسى, الماتى قالاسى), 6 مەكتەپ جاسىنا دەيىنگى بالا (ماڭعىستاۋ, قىزىلوردا, سولتۇستىك قازاقستان, الماتى وبلىستارى), 3 مەكتەپ وقۋشىسى (قاراعاندى, قىزىلوردا وبلىستىرى جانە نۇر-سۇلتان) قايتىس بولدى», دەيدى دەپارتامەنت وكىلدەرى.
ۆەدومستۆو مالىمەتىنشە, بالالار اراسىندا COVID-19 جۇقتىرۋدىڭ الدىن الۋ شارالارى ەرەسەكتەردەگىدەي: سانيتارلىق نورمالاردى ساقتاۋ, مەديتسينالىق بەتپەردە تاعۋ, ادام كوپ جينالاتىن ورىنداردان اۋلاق بولۋ, ۆاكتسينا الۋ.
«بالالاردا COVID-19 جۇقتىرعاندا كلينيكالىق بەلگىلەر: دەنە قىزۋىنىڭ جوعارىلاۋى, جوعارعى تىنىس جولدارىنىڭ زاقىمدانۋى تۇرىندەگى ينتوكسيكاتسيا سيندرومى داميدى, اسقازان-ىشەك جولدارى زاقىمدانۋى مۇمكىن, تىنىس الۋ جەتكىلىكسىزدىگى بەلگىلەرى بار پنەۆمونيا جاعدايلارى», دەدى.
