ەكونوميكا • 30 قاراشا، 2021

ءموبيلدى اۋدارىمدارعا سالىق سالىنا ما؟ قارجى مينيسترلىگى تۇسىنىك بەردى

354 رەت كورسەتىلدى

قازىرگى ۋاقىتتا الەۋمەتتىك جەلىلەردە ءموبيلدى اۋدارىمداردان باس تارتىپ، قولما-قول اقشاعا كوشۋگە شاقىراتىن اقپاراتتار تارالۋدا، دەپ حابارلايدى Egemen.kz قارجى مينيسترلىگىنىڭ ءباسپاسوز قىزمەتىنە سىلتەمە جاساپ.

بۇل ورايدا سالىق زاڭناماسىنا ءموبيلدى اۋدارىمداردى پايدالانۋعا قاتىستى ەنگىزىلگەن وزگەرتۋلەر، جەكە تۇلعالاردىڭ جەكە اۋدارىمدارىن /كاسىپكەرلىك ماقساتتا جۇزەگە اسىرىلاتىن ءموبيلدى تولەمدەردەن/ بولۋگە ارنالعان. ولار بيزنەس قاۋىمداستىقپەن جانە بانكتەرمەن بىرنەشە رەت تالقىلانعان.

«بۇل باستامالاردىڭ ماقساتى تسيفرلىق كەڭىستىكتە بيزنەستى دامىتۋدى كوزدەيدى، قولما-قول اقشاعا كوشۋدى مۇلدەم كوزدەمەيتىنىن ەسكەرىڭىز. مۇنىمەن قوسا، بارلىق مالىمەتتەر مەملەكەتتىك كىرىس ورگاندارىنا بەرىلەدى ەكەن دەگەن اقپارات تا نەگىزسىز. الاڭداۋعا ەشقانداي نەگىز جوق. 2022 جىلدان باستاپ بانكتەردەن تەك كاسىپكەرلىك شوتتارىنا تۇسكەن تولەمدەر تۋرالى اقپارات الۋ جوسپارلانۋدا. سوندىقتان، جەكە اۋدارىمدارعا سالىق سالىنبايدى.

ال ەگەر ءسىز جەكە كاسىپكەر بولساڭىز، سالىق سالۋ بويىنشا وزىڭىزگە ىڭعايلى رەجيمدى تاڭداي الاسىز. مىسالى، تاكسي جۇرگىزۋشىلەرى پاتەنت نەگىزىندە ارنايى سالىق رەجيمىن قولدانا الادى. بۇل رەجيم تابىسى جىلىنا 10 ميلليون 300 مىڭ تەڭگەدەن اسپايتىن جاعدايدا عانا قولدانىلادى. كاسسالىق اپپاراتتارعا قاتىستى. قازىر بىرنەشە ءموبيلدى قوسىمشالار بار. كاسىپكەر ونلاين كاسسانىڭ ءموبيلدى نۇسقاسىن جۇكتەپ الىپ، زاڭدى تۇردە پايدالانا الادى.

ال سالىق ەسەپتىلىگى e-Salyq Business قوسىمشاسىن ەنگىزۋ ارقىلى اۆتوماتتى تۇردە جاسالادى. بۇل شارالاردىڭ بارلىعى بيزنەستى جۇرگىزۋدى ودان ءارى جەڭىلدەتۋگە باعىتتالعان. ەسكە سالايىق، قابىلدانعان موراتوري اياسىندا جەكە كاسىپكەرلەر 2023 جىلعا دەيىن تابىس سالىعىن تولەۋدەن بوساتىلعان. سوندىقتان، قۇرمەتتى كاسىپكەرلەر ارانداتۋشىلىققا بوي الدىرماي، ۋاكىلەتتى ورگانداردىڭ رەسمي اقپاراتىنا عانا سەنۋگە شاقىرامىز»، دەلىنگەن مينيسترلىكتىڭ حابارلاماسىندا.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار