سوعان قاراماستان, 2021 جىلى ەلدە شاعىن جانە ورتا بيزنەس كومپانيالارىنىڭ سانى 3,3 پايىزعا ءوسىپتى. وسىلايشا, قازاقستاندا 3 ميلليوننان استام ازامات كاسىپكەرلىكپەن اينالىسا باستادى. الايدا, كوپتەگەن كاسىپكەرلەرگە بيزنەستى ودان ءارى دامىتۋ ءۇشىن قازىرگى تەندەنتسيالارعا سايكەس كەلەتىن تاجىريبە, قاجەتتى بايلانىستار مەن داعدىلار جەتىسپەيدى. سوندىقتان دا وسىنداي كاسىپكەرلەرگە قاجەتتى داعدىلاردى يگەرۋگە كومەكتەسەتىن جەكە بيزنەس-مەكتەپتەرى ىرگە قالادى.
سونداي ءبىلىم وردالارىنىڭ ءبىرى – كاسىپكەردىڭ سۇرانىسىنا قاراي ءارتۇرلى باعدارلامالاردى ۇسىناتىن كازگيۋ بيزنەس-مەكتەبى. وقۋ ورنىنىڭ ديرەكتورى الينا ابدراحمانوۆانىڭ ايتۋىنشا, ونداعى كاسىپكەرلىك باعىتىنداعى ءبىلىم بەرۋدە قالىپتاسقان تاجىريبەلەرى بار توپ-مەنەدجەرلەر بيزنەسمەندەردىڭ بىلىكتىلىگىن ارتتىرىپ قانا قويماي, نارىقتىڭ وقىس جاعدايلارىنا بىردەن دايىن بولاتىن بولاشاق باسشىلاردى قالىپتاستىرا الادى. بيزنەس-مەكتەبىنىڭ مۆا باعدارلامالارىنىڭ ارقاسىندا ءبىلىم العان باسشىلار ناقتى ۋاقىتتا ءوز كومپانيالارىنىڭ جۇمىسىنا ۇزدىك تاجىريبەلەردى ەنگىزىپ, پايدانىڭ وسۋىنە ىقپال ەتەدى.
كازگيۋ بيزنەس-مەكتەبىنىڭ «شەتەلگە شىعۋ» مودۋلدەرىنىڭ ارقاسىندا باسقا ەلدەردىڭ كاسىپكەرلەرىمەن, پروفەسسورلارىمەن جانە وقىتۋشىلارىمەن قارىم-قاتىناس جاساۋ مۇمكىندىگى بار. وسىلايشا, مۆا باعدارلاماسى ءبىزدىڭ وتاندىق كاسىپكەرلەردىڭ جەرگىلىكتى نارىقتا عانا ەمەس, حالىقارالىق دەڭگەيدە بايلانىس ورناتۋىنا جاعداي تۋعىزادى. كازگيۋ-دىڭ Executive MBA باعدارلاماسى ءۇشىن 3 شەتەلدىك مودۋل, ال مۆا جالپى كۋرسى اياسىندا 1 مودۋل قاراستىرىلعان.
مۆا ستۋدەنتى شۆەيتساريا, يسپانيا, اقش, رەسەي, وڭتۇستىك كورەيا سەكىلدى ەلدەر ءتىزىمىنىڭ ىشىنەن قالاعان مەملەكەتىن تاڭداي الادى. مودۋل 2 كۇندىك كۋرستان تۇرادى, سودان كەيىن شەتەلدىك كومپانيالاردىڭ توپ-مەنەدجمەنتىمەن كەزدەسۋلەر مەن جاڭا تانىسۋلار باستالادى.
«مۆا باعدارلاماسى اياسىندا ءبىلىم الىپ, ءسىز شەت مەملەكەتكە دە شىعا الاسىز. ول جاقتا تاجىريبەدەن ءوتىپ, بيزنەس-پروتسەستەرمەن, كومپانيالاردىڭ توپ-مەنەدجمەنتىمەن, ىسكەرلىك قاۋىمداستىقتارمەن تانىساسىز. سىزدە ماڭىزدى كوللابوراتسيالاردى ىسكە اسىرۋ مۇمكىندىكتەرى پايدا بولادى. قازىردىڭ وزىندە سەرىكتەستىك جەلىڭىزدى كەڭەيتىپ, ال ەرتەڭ تۇتىنۋشىلار بازاسىن ارتتىرۋدىڭ جولدارىن جاساپ قويدىق. ەڭ باستىسى – ءوز بيزنەسىڭىزدى حالىقارالىق دەڭگەيگە شىعارىپ, دامىتاسىز», دەيدى الينا ابدراحمانوۆا.
مۆا مەكتەپتەرى وقىتۋ ساپاسىنا كەپىلدىك بەرەتىن حالىقارالىق اككرەديتتەۋدەن وتكەن. مۆا باعدارلامانىڭ ناقتى ماقساتى – باسشىنىڭ تاجىريبەسىن قۇرىلىمداپ, ونىڭ بەلگىلى ءبىر قالىپتاسقان جۇيەسىن جاساۋ. بۇل بيزنەستى دايىن مودەل بويىنشا باسقارۋدى جەڭىلدەتەدى جانە قاجەت بولعان جاعدايدا وزگەرىستەرگە بەيىمدەلۋگە كومەكتەسەدى. سايىپ كەلگەندە, مۆا – ەڭ كۇتپەگەن مىندەتتەردىڭ شىعارماشىلىق جانە ەڭ ءتيىمدى شەشىمدەرىن تابۋدى ۇيرەنۋ.
ايتا كەتەرلىگى, كازگيۋ بيزنەس-مەكتەبىنىڭ وقىتۋشىلارىنىڭ قاتارىندا حالىقارالىق كومپانيالاردىڭ قازىرگى باسشىلارى مەن كاسىپكەرلەرى بار. وقىتۋشىلار قۇرامىنىڭ جارتىسى – شەتەلدىك پروفەسسورلار, ساراپشىلار مەن پراكتيكتەر. وقىتۋشىلاردىڭ شامامەن 60 پايىزى دوكتورلىق دارەجەگە يە, كوبى عىلىمي زەرتتەۋلەرمەن اينالىسادى, ءىس جۇزىندە بارلىق وقىتۋشىلار Cambridge, Harvard, Oxford نەمەسە Berkeley سياقتى شەتەلدىك جەتەكشى جوعارى وقۋ ورىندارىندا ءبىلىم العان.
ء«بىزدىڭ قوعامىمىزدا بارلىق مۆا باعدارلامالارى ەسكىرگەن دەگەن تۇسىنىك قالىپتاسقان. بىراق بىزدىڭ كازگيۋ بيزنەس-مەكتەبىنىڭ ۇلگىسىندە بۇل كوزقاراستى جويۋعا بولادى, سەبەبى ءبىزدىڭ باعدارلامالارىمىز تەز وزگەرەتىن تەندەنتسيالارعا بەيىمدەلەتىن مودۋلدەرىن ۇسىنادى. ەگەر مۆا اتىن جامىلعان ۋنيۆەرسيتەتتەر تۋرالى ايتار بولساق, ولار 500 000 تەڭگە تولەپ, قىسقا مەرزىمدە بۇكىل باعدارلامادان ءوتۋدى عانا ەمەس, سونىمەن قاتار ءبىر جىل ىشىندە, ءتىپتى ەكى جىل بۇرىن بەكىتىلەتىن باعدارلامالاردى دا بىردەن ءوتۋدى ۇسىنادى. قازىرگى ۋاقىتتا بيزنەسكە بايلانىستى ۇزاق مەرزىمدى باعدارلامالاردى قۇرۋ پايداسىز, ويتكەنى ترەندتەر كۇن سايىن وزگەرىپ جاتىر.
تاعى ەسكەرەتىن جايت, رەيتينگىلىك, جوعارى دەڭگەيلى ۋنيۆەرسيتەتتەردەگى مۆا قۇنى ارزان بولۋى مۇمكىن ەمەس. مۆا – شابلوندىق وقىتۋ ەمەس, بۇل - وقىتۋشىلارمەن جانە توپتاس ستۋدەنتتەرمەن ءوزارا قارىم-قاتىناستار. كوپتەگەن ارزان باعدارلامالار كاسىپكەرلەرگە ۆيدەوبەينەگە جازىلعان كۋرستاردان ءوتۋدى ۇسىنادى. ساپالى بيزنەس-ءبىلىم بەرۋ جوعارى بىلىكتى ساراپشىلارمەن تىكەلەي ءوزارا قاتىناستان قۇرالعان. سايكەسىنشە, بۇل ارزان بولمايدى», دەيدى الينا ابدراحمانوۆا.
مۆا – ستۋدەنتتەن ءارتۇرلى داعدىلاردى دامىتۋدى تالاپ ەتەتىن, ونى بيزنەستىڭ ءمالىم دە بەيمالىم تۇستارىنا تەرەڭ بويلاتاتىن كەشەندى ءتاسىل. ونىڭ ءبىر كۇندىك كۋرستاردان ايىرماشىلىعى – بيزنەستىڭ ءبىر سالاسىن عانا قامتىماي, كاسىپكەرلىككە جان-جاقتى كوزقاراسپەن قاراۋعا مۇمكىندىك بەرەدى.
كاسسير, ماركەتولوگ, ديرەكتور جانە HR قىزمەتتەرىن ءبىر ادام اتقارۋدى توقتاتقان كەزدە باسشى وزگە ادامداردى جۇمىسقا الۋدى باستايدى جانە وسى ساتتەن باستاپ كوماندا قۇرىلىپ, بيزنەس ۇيىمعا اينالادى. كەز كەلگەن ۇيىمدى جۇيەلى تۇردە باسقارۋ كەرەك, بۇل جەكە بيزنەس نەمەسە ۇلتتىق كومپانيا بولسا دا ەش ايىرماشىلىق جوق. سوندىقتان, مۆا جەكە بيزنەس باسشىلارىنا ونى جۇيەلەۋ, ماسشتابتاۋ جانە جاڭا دەڭگەيگە شىعارۋ ءۇشىن قاجەت.
