پرەزيدەنت • 25 قاراشا، 2021

مەملەكەت باسشىسى شىعىس قازاقستان وبلىسىنىڭ اكىمى دانيال احمەتوۆتى قابىلدادى

51 رەت كورسەتىلدى

قاسىم-جومارت توقاەۆقا ءوڭىردىڭ بيىلعى ون اي ىشىندەگى الەۋمەتتىك-ەكونوميكالىق دامۋى جونىندە ەسەپ بەرىلدى، دەپ جازادى Egemen.kz اقورداعا سىلتەمە جاساپ.

وبلىس اكىمىنىڭ ايتۋىنشا، حالىققا ۆاكتسينا سالۋ جۇمىستارى قارقىندى جۇرگىزىلىپ جاتىر. اتاپ ايتقاندا، ۆاكتسينا الۋعا ءتيىستى تۇرعىنداردىڭ 100 پايىزى ەكپەنىڭ ءبىرىنشى كومپونەنتىن العان، ال ەكىنشى كومپونەنتىن 7 جەلتوقسانعا دەيىن سالۋ جوسپارلانعان.

كەزدەسۋ بارىسىندا وبلىستىڭ اۋىل شارۋاشىلىعى سالاسىن دامىتۋ ماسەلەلەرى تالقىلاندى. دانيال احمەتوۆتىڭ مالىمەتى بويىنشا 2022 جىلعا قاراي اۋىل شارۋاشىلىعى ونىمدەرىنىڭ ەكسپورتىن 4 ەسە ارتتىرۋ كوزدەلگەن.

پرەزيدەنتكە جاقىندا اشىلعان ء«ۇلبى-تۆس» زاۋىتىنىڭ جۇمىسى تۋرالى باياندالدى. كاسىپورىندا جىلۋ ەنەرگياسىن الۋعا ارنالعان ينجەنەرلىك قۇرىلىمدار شىعارىلادى جانە 140 جاڭا جۇمىس ورنى اشىلادى. زاۋىتتا جىلىنا 200 توننا ۋران وتىنى وندىرىلەدى.

مەملەكەت باسشىسى وبلىس اكىمىنە جىلىتۋ ماۋسىمى كەزىندە قازاندىقتاردىڭ ۇزدىكسىز جۇمىس ىستەۋىن قاداعالاۋ، تۇرعىنداردى كومىرمەن قامتاماسىز ەتۋ، سونداي-اق اۋىل شارۋاشىلىعى ونىمدەرىنىڭ ەكسپورتىن ارتتىرۋ جۇمىستارىن جالعاستىرۋ جونىندە تاپسىرما بەردى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار