«20 قاراشاسىندا شامامەن ساعات 23:35-تە «مەرسەدەس» ماركالى اۆتوكولىگىنىڭ 20 جاستاعى جۇرگىزۋشىسى ب. مومىش ۇلى داڭعىلىنان م. جۇماباەۆ كوشەسىنە بۇرىلعاندا ءرۋلدى باسقارا الماي, قارسى قوزعالىس جولاعىنا شىعىپ كەتكەن. سالدارىنان قارسى باعىتتان تۋرا كەلە جاتقان «كيا» جانە «لادا» ماركالى ەكى اۆتوكولىكپەن سوقتىعىسقان», دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.
اپات سالدارىنان «كيا» جانە «مەرسەدەس» جۇرگىزۋشىلەرى اۋرۋحاناعا جەتكىزىلدى. سوڭعىسى دارىگەرلەردىڭ قاراۋىنان كەيىن ۇيىنە جىبەرىلدى.
«اتالعان فاكتىنىڭ ءمان-جايى انىقتالىپ جاتىر. پوليتسيا دەپارتامەنتى جۇرگىزۋشىلەرگە جول ەرەجەلەرىن قاتاڭ ساقتاۋدى جانە جولداردا وتە مۇقيات بولۋدى ەسكەرتەدى», دەيدى پوليتسيا دەپارتامەنتىنىڭ وكىلى.
