بارىنەن دە وقشالانۋدى ەلەمەي, اينالاسىنداعى ادامداردى قاۋىپ-قاتەرگە تىگەتىندەر قاتارى نۇر-سۇلتان قالاسىندا كوپ بولىپ شىقتى. ەلوردالىق ۆوكزالدار اۋماعىندا «سارى» جانە «قىزىل» مارتەبەسى بار 177 ازاماتقا كىرۋگە رۇقسات بەرىلمەگەن.
«قازاقستان تەمىر جولى» ۇك» اق ۆوكزالدارعا تەك «كوك» جانە «جاسىل» مارتەبەسى بار ادامدار عانا جىبەرىلەتىنىن ەسكە سالادى. پتر تالداۋى قاجەت ەمەس. كەلۋشىلەردە گادجەتتەر بولماعان جاعدايدا ۆوكزال قىزمەتكەرلەرى جسن بويىنشا ستاتۋستى تەكسەرەدى.
«پايدالانىلماعان جول ءجۇرۋ قۇجاتتارىن (بيلەتتەرىن) قايتارۋ سوماسى ينۆەستيتسيالار جانە دامۋ ءمينيسترىنىڭ 2015 جىلعى 30 ساۋىردەگى №545 بۇيرىعىمەن بەكىتىلگەن جولاۋشىلاردى, باگاجدى, جۇك-باگاجدى جانە پوشتا جونەلتىلىمدەرىن تەمىر جول كولىگىمەن تاسىمالداۋ قاعيدالارىنا سايكەس جۇرگىزىلەدى», دەپ حابارلادى «قازاقستان تەمىر جولى» ۇك» اق ءباسپاسوز قىزمەتى.
