«اۋا رايى مەن جاۋىن-شاشىنعا بايلانىستى نۇر-سۇلتان قالاسىنىڭ پوليتسيا دەپارتامەنتى جۇرگىزۋشىلەردى بارىنشا مۇقيات بولۋعا, جىلدامدىق رەجيمىن, قاۋىپسىز ارا قاشىقتىقتى, مانەۆر جاساۋ ەرەجەلەرى مەن قاپتالداعى ارالىقتى مۇلتىكسىز ساقتاۋعا شاقىرادى.
جۇرگىزۋشىلەر ءۇشىن ەڭ قاۋىپتىسى – ءاسفالتتىڭ دىمقىل بولۋى. تۇنگى ايازدار باستالعانىن ەسكەرسەك, جاڭبىر سۋلاعان تايعاق جول ودان ءارى قاۋىپتى بولا تۇسەدى. وسىعان بايلانىستى ەلوردالىق پوليتسەيلەر اۆتوكولىك يەلەرىنە جازعى شينالاردى قىسقىسىنا اۋىستىرۋدى ۇسىنادى», دەپ جازىلعان دەپارتامەنتتىڭ ءباسپاسوز مالىمەتىندە.
ساقشىلار جاياۋ جۇرگىنشىلەرگە وتە مۇقيات بولۋ كەرەكتىگىن ەسكەرتىپ وتىر.
«قولايسىز اۋا رايىندا جاياۋ جۇرگىنشىلەر جاقىنداپ كەلە جاتقان كولىكتەردى كورمەيدى جانە ولار كەيدە جولعا كۇتپەگەن جەردەن شىعا قالادى. وسىعان بايلانىستى, جۇرگىزۋشىلەرگە قيىلىستار مەن جاياۋ جۇرگىنشى وتكەلدەرىنەن وتكەن كەزدە اسا ساق بولۋعا كەڭەس بەرەمىز», دەپ جازادى ۆەدومستۆودان.
