ۇكىمەت • 28 قازان، 2021

تمد ەلدەرىنىڭ الەۋمەتتىك ماسەلەلەردى تالقىلاندى

49 رەت كورسەتىلدى

بۇگىن ونلاين رەجيمدە تمد-عا قاتىسۋشى مەملەكەتتەردىڭ ەڭبەك، جۇمىسپەن قامتۋ جانە حالىقتى الەۋمەتتىك قورعاۋ جونىندەگى كونسۋلتاتيۆتىك كەڭەسىنىڭ XXXIV وتىرىسى ءوتتى، دەپ حابارلايدى Egemen.kz.

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسشىلىعى وتىرىسقا قاتىسۋشىلاردى الەۋمەتتىك-ەڭبەك سالاسىن جەتىلدىرۋ، الەۋمەتتىك ادىلەتتىلىك پەن لايىقتى ەڭبەكتى قامتاماسىز ەتۋ بويىنشا قابىلدانىپ جاتقان شارالار تۋرالى حاباردار ەتتى.

ءىس-شارا بارىسىندا تمد اۋماعىندا حالىقتى الەۋمەتتىك قامتاماسىز ەتۋ سالاسىنداعى نورماتيۆتىك-قۇقىقتىق بازانى جاقسارتۋ جانە قاشىقتان جۇمىس ىستەۋدى رەتتەۋ بويىنشا اقپارات پەن تاجىريبەمەن الماسۋ مۇمكىندىگى ماسەلەلەرى تالقىلاندى.

ءىس-شاراعا ازەربايجان، ارمەنيا، بەلارۋس، قازاقستان، قىرعىزستان، وزبەكستان جانە رەسەي فەدەراتسياسىنىڭ سالالىق مينيسترلىكتەرىنىڭ باسشىلارى، ەۋرازيالىق ەكونوميكالىق كوميسسيانىڭ، جالپىعا بىردەي كاسىپوداقتار كونفەدەراتسياسىنىڭ، مەملەكەتارالىق ستاتيستيكا كوميتەتىنىڭ، تمد اتقارۋشى كوميتەتىنىڭ جانە بىرقاتار ەلدىك ۇيىمداردىڭ وكىلدەرى قاتىستى.

وتىرىستى بەلارۋس رەسپۋبليكاسىنىڭ كونسۋلتاتيۆتىك كەڭەسىنىڭ توراعاسى، ەڭبەك جانە الەۋمەتتىك قورعاۋ ءمينيسترى يرينا كوستەۆيچ اشتى. ءوز سوزىندە ول تمد وكىلدەرىنە وتىرىسقا قاتىسقانى ءۇشىن العىسىن ءبىلدىردى، سونداي-اق 2020 جىلعى 29 قازاندا وتكەن كونسۋلتاتيۆتىك كەڭەستىڭ الدىڭعى، XXXIII وتىرىسىندا قابىلدانعان شەشىمدەردىڭ ورىندالۋ بارىسى تۋرالى ايتتى.

وسىدان كەيىن 2020-2021 جىلدارى توراعالىق ەتكەن بەلارۋس رەسپۋبليكاسىنان قازاقستان رەسپۋبليكاسىنا 2021-2022 جىلدار كەزەڭىنە توراعالىق ەتۋ قۇقىعىن بەرىلدى.

قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ءوز سوزىندە كونسۋلتاتيۆتىك كەڭەس جۇمىسىنىڭ جوعارى ساپاسىن اتاپ ءوتتى، سونداي-اق بيىل تمد-نىڭ ماقساتتارى مەن قاعيداتتارىن ايقىنداعان الماتى دەكلاراتسياسىنا قول قويىلعانىنا 30 جىل تولاتىنىن ەسكە سالدى.

«تمد – بىرەگەي جانە امبەباپ ديالوگ الاڭى، ونىڭ اياسىندا سەنىم مەن ءوزارا تۇسىنىستىكتى نىعايتۋعا، تمد كەڭىستىگىندەگى تۇراقتىلىق پەن قاۋىپسىزدىكتى قولداۋ جونىندەگى باستامالارعا جاردەمدەسۋگە باعىتتالعان ىنتىماقتاستىق داميدى»، دەدى مينيستر.

سەرىك شاپكەنوۆ كونسۋلتاتيۆتىك كەڭەستىڭ قاتىسۋشىلارى تۇجىرىمدامالىق قۇجاتتاردى ازىرلەۋ بويىنشا، ەڭبەكتى نورمالاۋ، كاسىپتىك ستاندارتتار، جۇمىس ورىندارىنداعى ەڭبەك جاعدايلارى جانە باسقا دا سالادا ۇلكەن جۇمىس جۇرگىزگەنىن، ال وتىرىستاردا قابىلداناتىن شەشىمدەر تمد-عا قاتىسۋشى مەملەكەتتەردىڭ الەۋمەتتىك-ەڭبەك قاتىناستارى سالاسىنداعى جۇمىس تاجىريبەسىنە مەملەكەتارالىق دەڭگەيدە قابىلدانعان قۇجاتتاردى ەنگىزۋگە مۇمكىندىك بەرەتىنىن اتاپ ءوتتى.

«وسى وتىرىس اياسىندا ءبىز covid-19 پاندەمياسىنا بايلانىستى وزگەرىستەرگە قاتىستى بىرقاتار وزەكتى ماسەلەلەردى، سونىڭ ىشىندە قۇقىق قولدانۋ پراكتيكاسىن، قاشىقتان جۇمىس ىستەۋدى رەتتەۋ، ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋ بويىنشا اقپارات جانە تاجىريبە الماسۋدى، ونىڭ ىشىندە جازاتايىم وقيعالاردى تەرگەپ-تەكسەرۋ ماسەلەسىن قاراستىرامىز»، دەدى  س.شاپكەنوۆ.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار