شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءوڭىر بويىنشا بيىل 580 جول-كولىك وقيعاسى تىركەلكەن. سونىڭ سالدارىنان 86 ادام قازا بولىپ, 792 ادام ءتۇرلى جاراقات العان. كوپ جاعدايدا وقىس وقيعانىڭ سەبەبى – جول قوزعالىسى ەرەجەلەرىن ورەسكەل بۇزۋدان بولىپ جاتادى.
وسى رەتتە, ءتارتىپ ساقشىلارى جەرگىلىكتى اتقارۋشى ورگاندارمەن بىرلەسىپ, جول-كولىك ينفراقۇرىلىمىن جاقسارتۋ جانە جول قوزعالىسىن ۇيىمداستىرۋ دەڭگەيىن ارتتىرۋ ماسەلەلەرىنە ەرەكشە كوڭىل بولۋدە.
«اسىرەسە كوشەلەر مەن تاسجولدارعا تەكسەرۋ جۇرگىزۋگە, انىقتالعان كەمشىلىكتەردى جويۋعا ۇيعارىم بەرۋگە اسا ماڭىز اۋدارىلعان. بىلتىر دەپارتامەنت وكىلدەرى 4 000-نان استام تەكسەرۋ جۇرگىزدى. سونىڭ ناتيجەلەرى بويىنشا بۇزۋشىلىقتارعا جول بەرگەن 225 جول قىزمەتىنىڭ باسشىلارى اكىمشىلىك جاۋاپكەرشىلىككە تارتىلعان. سونداي-اق رەتتەلمەيتىن جاياۋ جۇرگىنشىلەر وتكەلدەرىنە 74 جارىقديودتى بەلگىلەر ورناتىلدى», دەدى وبلىستىق پد باستىعى ساعات ماديەۆ.
ونىڭ ايتۋىنشا, بيىل رەسپۋبليكالىق ماڭىزى بار تاسجولداردى (الماتى-وسكەمەن, ومبى-مايقاپشاعاي) جانە ەلدى مەكەندەردىڭ كوشە جولدارىن رەكونسترۋكتسيالاۋ بويىنشا بىرقاتار جوبالار ىسكە اسىرىلۋدا.
