وقيعا • 25 قازان، 2021

ەلورداداعى جانتۇرشىگەرلىك جول اپاتى. كۇدىكتى قاماۋعا الىندى

716 رەت كورسەتىلدى

بيىل 30 قىركۇيەك كۇنى ەلوردادا جانتۇرشىگەرلىك كولىك اپاتىنان 5 ادام مەرت بولعان ەدى. بۇگىن اتالعان جاعدايعا قاتىستى تەرگەۋ بارىسى ايتىلدى، دەپ حابارلايدى Egemen.kz.

ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا نۇر-سۇلتان قالاسىندا بولعان سول وقيعانىڭ ءمان-جايىنا قاتىستى ساۋال قويىلدى.

ء«يا، اتالعان جول-كولىك وقيعاسى قوعامدى بەيجاي قالدىرمادى. قازىرگى تاڭدا ەلوردانىڭ پوليتسيا دەپارتامەنتى قىلمىستىق ءىس قوزعادى. ناقتى ايتقاندا، قىلمىستىق كودەكستىڭ 345-بابىنىڭ 4-تارماعىنا سايكەس جول ەرەجەسىن بۇزا وتىرىپ، 2 نەمەسە ودان دا كوپ ادامنىڭ ولىمىنە سەبەپ بولۋ جانە 347-باپتىڭ 1-تارماعىنا سايكەس وقيعا ورنىنان كەتىپ قالۋعا قاتىستى تەرگەۋ ءجۇرىپ جاتىر.

اپات ورنىنان قاشىپ كەتكەن كۇدىكتى ۇستالدى. كۇدىكتى دەپ تانىلعان 19 جاستاعى ەلوردا تۇرعىنى بۇگىندە 2 ايعا ۋاقىتشا قاماۋعا الىندى. جول اپاتىنىڭ ۋاقىتىنا كەلسەك، ول بىزدە ناقتى تىركەلگەن. تۇنگى ساعات 00:18-دە بولعان. بۇل - بىزدەگى رەسمي دەرەك»، دەپ جاۋاپ بەردى قر ءىىم تەرگەۋ دەپارتامەنتىنىڭ باسشىسى سانجان ءابىلوۆ.

ەسكە سالا كەتسەك، اتالعان جانتۇرشىگەرلىك اپات 30 قىركۇيەك كۇنى تۇندە بولدى. «Toyota Camry» اۆتوكولىگىنىڭ 19 جاستاعى جۇرگىزۋشىسى ەسىل وزەنىنەن وتەتىن كوپىردەن سارايشىق كوشەسىنە قاراي ءجۇرىپ كەلە جاتىپ، جىلدامدىق رەجىمىن ساقتاماعان. جول اپاتى سالدارىنان بەس ادام قازا تاپتى.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار