الەم • 25 قازان، 2021

ءۇندىستاندا تولاسسىز جاۋعان قاردان 11 ادام قازا تاپتى

85 رەت كورسەتىلدى

ءۇندىستان تاۋلارىندا قاتتى قار مەن قولايسىز اۋا رايى سالدارىنان كەم دەگەندە 11 ادام قايتىس بولدى. ونىڭ ىشىندە تۋريستەر، تاسۋشىلار جانە گيدتەر بار. جوعالعان ادامداردى ىزدەۋ جالعاسىپ جاتىر، دەپ حابارلايدى Egemen.kz.

بۇل تۋرالى NDTV تەلەارناسى ءمالىم ەتتى.

اۋە كۇشتەرى ۋتتاراكحاندتاعى لامحاگا اسۋىندا تەڭىز دەڭگەيىنەن بەس شاقىرىمنان اسا بيىكتىكتە اۋقىمدى قۇتقارۋ وپەراتسياسىن باستادى. وندا 18 قازاندا 17 ساياحاتشى اداسىپ كەتكەن. كەيبىرەۋىنىڭ دەنەسى ەڭ قاۋىپتى وتكەلدەردىڭ بىرىنەن تابىلىپ، قۇتقارۋشىلار پوليتسياعا بەردى.

ىزدەۋ بىرنەشە گيدتەر جاقىن ماڭداعى تۇرعىن ۇيگە جەتكەننەن كەيىن باستالدى. جەرگىلىكتى بيلىكتىڭ ءوتىنىشى بويىنشا اسكەري كۇشتەر اپاتقا ۇشىراعاندارعا كومەك كورسەتۋ ءۇشىن تىكۇشاقتارمەن شىققان. ەكى ادام ءتىرى تابىلدى، ولار اۋرۋحاناعا جەتكىزىلدى. تاعى تورتەۋى حابار-وشارسىز كەتكەن دەپ سانالادى.
سوڭعى جاڭالىقتار

ۇقساس جاڭالىقتار